Connect with us

Zukcawl hmangin Malaysia Cozah kawh auh nak

Chin

Zukcawl hmangin Malaysia Cozah kawh auh nak

Malaysia cozah le UNHCR hna nih Chin ralzam kan dirhmun rak kan ruatpi than dingin tiah nawl nak ah Chin ralzam ethnic 60 leng chungin ‘The Chin Up’ timi zukcawl project kalpi asi i Lalthanpuia cu Zukcawl thla tu asi.

Malaysia University of Creative in buaih ala cangmi Limkokwing le Ralzam dirkamhtu cheukhat hna lamhruai nak in thla 2 chung zukcawl zaihnak project cu malaysia Chin ralzam hna lak ah ngeih asi i ralzam hngakchia tete kum 12 hrawng hna cu bia hal nak le an itinh mi saduhthlah hna hal an si.

Zukcawl zaihtu Laltanpuia nih achim ningah hi zukcawl hmang hin vawleicung ram hruaitu hna thinlung ah rian ttuan selaw thleidan bik ngei lo in ramthum nak kan phak khawh nak sihram seh tiah achim i ka miphun hngakchia tete kawlram ah kirthan asikho lo mi hna nih an saduh thah mi an vun chim ah ka lung arawk tuk tiah achim.

The Chin up zukcawl project hi Alliance of Chin Refugees (ACR), Dignity for Children, Fugee School, Global Shepherds, Malaysian Care, Malaysian Social Research Institute (Sahabat Refugee Project), R.AGE, Refuge For The Refugees le YLDC hna ttuantti nak in tuah mi asi.

Kum 2018 June thla ah UNHCR nih Chin ralzam kilven nak cu kum 2019 donghter dingin athanh ruangah Malaysia Chin ralzam sianghngakchia tampi hmailei caan saduhthah mi apit.

Hi bantuk in Malaysia ah chin ralzam harnak tete le Hngakchia saduhthah le hmailei fimthiam nak cawn nak tlam atlin khawh nak dingah tiah UNHCR le Malaysia cozah le Vawleicung ram hruaitu hna thinlung ah bia tampi achim khawh nak lai The Chin Up project hi timhlamh asi.
The chin up video zoh aduh mi nih https://chinup.my/ ah zoh khawh asi lai.

Continue Reading
You may also like...
Click to comment

Leave a Reply

Your email address will not be published.

More in Chin

Facebook

Rel Bikmi

To Top