Connect with us

Zohchuh Awktlak Chin Nu Bawi Rem Sung

bawi rem sung

Chin

Zohchuh Awktlak Chin Nu Bawi Rem Sung

Malaysia Motor pah a tongmi Lal Mawi caah nungak Bawi Rem Sung nih Rm- 500 a bawmh

Malaysia ah Motor pahnak in sizung ah a ummi Lal Mawi zohkhenhnak caah US um nungak Bawi Rem Sung nih rm- 500 bawmhnak a pek.Lydia Zing Tha Hnem nih Rm 20 a pek ve. Malaysia ah a ummi Chinpa pakhat Lal Mawi cu a luanciami ah khan Puchong ah Motor nih a pah i sizung a rak phan. Hospital Kuala Lumpur ( HKL ) ah a um i bawmtu ngei loin a um. Cu thawng theih in Chin Youth Organaization Malaysia ( CYOM ) President le Chin Refugee Committee ( CRC ) Chairmen nih September 10, 2018 ah khan a umnak sizung ah an va zoh.

Lal Mawi cu Motor nih a pahnak hliamhma a fak ngai i a ke a kiak. A ho hmanh bawmtu a ngeih lonak kong kha a chim tikah Chin Youth Organization Malaysia ( CYOM ) nih a caah Chin mipi hna sinah bawmhnak a hal.

Lal Mawi thawngpang theih in USA ah a ummi nungak Bawi Rem Sung ( Susans Sung ) nih CYOM sinah pehtleihnak a hun tuah i Rm- 500 bawmhnak a van kan kuat mi cu tlamtling tein kan hlam khawh cang.

A ra laimi caan ah Motor pah a tongmi Lal Mawi caah CYOM nih Malaysia um Chin miphun hna sinah bawmhnak zong kan rak in hal te hna lai i nanmah le nan siantawk cio bawmh khawh nan rak zuamnak lai zaangfah kan in nawl hna.

Cun, vawlei cung ramkip ah a ummi Chin miphun hna zong nih Malaysia ah accident nak tong in harnak a tongmi Lal Mawi caah nan siantawk cio bawmhnak rak pek khawh a si zungzal. A tang lei Phone number ahhin pehtleihnak tuah khawh kan si.

+60 182 188 461 ( Lai Kam Thang ) President

+60 182 068 240 ( Saya Van Hngak Thang )

+60 183 627 299 ( Hanah Sui )

+60 104 389 223 ( Bawi Lian Ling ( Secretary )

CYOM official facebook page cakuat zongin pehtleih khawh kan si. USA ummi nungak Susan Sung cungah lunglawmhnak tampi kan ngei. Bawipa nih hmailei na riantuannak ah thlachuah za he in umpi zungzal ko seh.

By: Andrew Tum Tling ( CYOM media )

Click to comment

Leave a Reply

Your email address will not be published.

More in Chin

Facebook

Rel Bikmi

To Top