Connect with us

American Idol Hlasak Zuamnak Tiang Ah A rak I tel Mi Laipa A Ta He Biaruahnak ( Interview)

Laimi

Celebrity

American Idol Hlasak Zuamnak Tiang Ah A rak I tel Mi Laipa A Ta He Biaruahnak ( Interview)

Laimi chungin minthang Hlasak thiam le Music tumthiam Ata cu The Chin Online in biaruahnak kan ngeih a dih tiang rak rel ve, biahaltu cu keimah June Amang ka si.

1. Na konglam theihter nak hun kan chim ta law kan duh ko ?

Lehnakka min cu Van Za Thawng ka si, Ata tiah dawtnak in an ka auh. Halkha ah ka chuak i ka tthanglian. Atuhi USA Indianapolis ah kan chungkhar in khua kan sa. Far pahnih ka ngei, kan khua cu Lawngtlang asi.

2. Kum zeizat na si in dah US na phak cang ?

Lehnak:Pathian remruat le dawtnak thawngin kum 15 ka si lio ah ka nu le ka far he USA ka pa sin ah kan rak phan kho ve.

3. Mirang hlasak maw na fawih deuh lai hla ? Band nan ngeih maw ,a min zeidah asi, zeitindah nan cawlcangh ning asi ?

lehnak:kan laiholh le ca hi ka thiam deuh tuk mi asi caah laihla hi ka fawih deuh, Music Band hi cu kan ngakchiat deuh lio tein kan tuah cang, High School kan dih hnu hin cun College lei, rian lei tibantuk ah kan caan kan pek cio deuh caah le a herh mi rian a vun tam deuh cang caah Band min bunh ngaingai in cun kan cawalcang ti lo, Tum tti hawi cu kan si peng ko. Kan mah te in show ti bantuk, Chin Community nih tuahmi concert ngan deuh pawl zong ah kan mah kan si tawn, keimah te in tu cun Mirang Band ah nihlawh he hla ka saa deuh.

4: Mirang laak ah hla na sak hmuh pah lengmang na si, nan band in maw sawm mi nan si pumpak in dah sawm mi na si ?

Lehnak:Si, Kan band in sawmmi he pumpaak in an ka sawm mi he asi ko, Kan band ah hla ka sak nak pawl cu aka hmubal mi le a kan thei mi Local Band dang pawl zong nih an an sawm tawn, Abik in an hlasa aa manh lo caan , dam lo caan i chawngtu ( Fill in) hlasa an herh caan ahkhin asi ve.

5. Album na chuah bal maw, chuah tah na tim maw ? Laimi laak ah hlasak in pawcawmnak a chuak kho lai na zum maw ?

lehnak:Â Album hi a luancia kum 2018 ahkhan Pathian hlaphel ” Jesuh Khrih Lawng Nunnak” timi Pathian zaangfahnak thawngin ka chuah khawh i hringtu ka nu nih hlasak zong a ka bawmh ve. Hlasak khawhnak cu Pathian nih a vel a ka hrawmh ve mi asi. ka kilven, ka nunpi, ka hman ahau tiah ka ruah, Album zong an ra te ko lai, hlasak in pawcawm khawh hi cu ka zum lo tihi ka duh lo ngai.

Asinain thil sining le atu a cang cuahmah mi siseh acang te lai ding mi vun ruah cia ahcun zumh ding um lo, mitlawm sin ah minthan cu a fawi ngai ko nain eibar chuah tuhi a har tthan i apoi ngai, Laimi laak na ti caah si. Laimi lak lawng si lo in zapi huap in cun asi kho ding kan um ve ko lai

6. Hlasak zuamnak ah nan tel bal maw, teinak laksawng tah na hmu bal maw ?

Lehnak:Â Hlasak zuamnak kaa tel hi a tam pah ve, Laitlang ka um chung kum 12 ka si hlan ah voi 3 hrawng biakinn lei tuahmi hlasak zuamnak ah teinak ka rak hmu bal, pakhat le pahnihnak asi bel ka fiang ti lo.Cun kum 2013 USA Indianapolis ah an tuah mi hlasak zuamnak ” Can You Rock” tiah an auh mi Season 7 ah pakhat nak 1st place ka rak ngah.

Mah zuamnak ah 1st a rak ngah mi minung 7 kha kan i zuam tthan i 2 nd ka hmuh than. 1 st a hmu ding ah an ka ruah pah dih ko nain hi bantuk hi miphun dang pakhat sinak in kan ton pah tawn mi si ko. Vawileipi minthang hlasak zuamnak ” American Idol” zong ah kan rak i tel ve, Bawipa umpinak thawngin round 4 nak tiang ka phan. Ahar deuh mi round pawl cu ka vun pah khawh cang nain Pathian nih a caan za rih lo a ti caah si lai, round 4 naak ah keimah le an ka auh piakmi ka pa pianno tumpa chanbau nak in kan kai kho ti lo. mah vial cu ka hlasak kong cu si rih seh.

laisak

Ata American Idol hlasak azuamnak hmanthlak

Laimi chungin minthang Hlasak thiam le Music tumthiam Ata cu The Chin Online in biaruahnak kan ngeih a dih tiang rak rel ve, biahaltu cu keimah June Amang ka si.

1. Na konglam theihter nak hun kan chim ta law kan duh ko ?

Lehnakka min cu Van Za Thawng ka si, Ata tiah dawtnak in an ka auh. Halkha ah ka chuak i ka tthanglian. Atuhi USA Indianapolis ah kan chungkhar in khua kan sa. Far pahnih ka ngei, kan khua cu Lawngtlang asi.

2. Kum zeizat na si in dah US na phak cang ?

Lehnak:Pathian remruat le dawtnak thawngin kum 15 ka si lio ah ka nu le ka far he USA ka pa sin ah kan rak phan kho ve.

3. Mirang hlasak maw na fawih deuh lai hla ? Band nan ngeih maw ,a min zeidah asi, zeitindah nan cawlcangh ning asi ?

lehnak:kan laiholh le ca hi ka thiam deuh tuk mi asi caah laihla hi ka fawih deuh, Music Band hi cu kan ngakchiat deuh lio tein kan tuah cang, High School kan dih hnu hin cun College lei, rian lei tibantuk ah kan caan kan pek cio deuh caah le a herh mi rian a vun tam deuh cang caah Band min bunh ngaingai in cun kan cawalcang ti lo, Tum tti hawi cu kan si peng ko. Kan mah te in show ti bantuk, Chin Community nih tuahmi concert ngan deuh pawl zong ah kan mah kan si tawn, keimah te in tu cun Mirang Band ah nihlawh he hla ka saa deuh.

4: Mirang laak ah hla na sak hmuh pah lengmang na si, nan band in maw sawm mi nan si pumpak in dah sawm mi na si ?

Lehnak:Si, Kan band in sawmmi he pumpaak in an ka sawm mi he asi ko, Kan band ah hla ka sak nak pawl cu aka hmubal mi le a kan thei mi Local Band dang pawl zong nih an an sawm tawn, Abik in an hlasa aa manh lo caan , dam lo caan i chawngtu ( Fill in) hlasa an herh caan ahkhin asi ve.

5. Album na chuah bal maw, chuah tah na tim maw ? Laimi laak ah hlasak in pawcawmnak a chuak kho lai na zum maw ?

lehnak:Â Album hi a luancia kum 2018 ahkhan Pathian hlaphel ” Jesuh Khrih Lawng Nunnak” timi Pathian zaangfahnak thawngin ka chuah khawh i hringtu ka nu nih hlasak zong a ka bawmh ve. Hlasak khawhnak cu Pathian nih a vel a ka hrawmh ve mi asi. ka kilven, ka nunpi, ka hman ahau tiah ka ruah, Album zong an ra te ko lai, hlasak in pawcawm khawh hi cu ka zum lo tihi ka duh lo ngai.

Asinain thil sining le atu a cang cuahmah mi siseh acang te lai ding mi vun ruah cia ahcun zumh ding um lo, mitlawm sin ah minthan cu a fawi ngai ko nain eibar chuah tuhi a har tthan i apoi ngai, Laimi laak na ti caah si. Laimi lak lawng si lo in zapi huap in cun asi kho ding kan um ve ko lai

6. Hlasak zuamnak ah nan tel bal maw, teinak laksawng tah na hmu bal maw ?

Lehnak:Â Hlasak zuamnak kaa tel hi a tam pah ve, Laitlang ka um chung kum 12 ka si hlan ah voi 3 hrawng biakinn lei tuahmi hlasak zuamnak ah teinak ka rak hmu bal, pakhat le pahnihnak asi bel ka fiang ti lo.Cun kum 2013 USA Indianapolis ah an tuah mi hlasak zuamnak ” Can You Rock” tiah an auh mi Season 7 ah pakhat nak 1st place ka rak ngah.

Mah zuamnak ah 1st a rak ngah mi minung 7 kha kan i zuam tthan i 2 nd ka hmuh than. 1 st a hmu ding ah an ka ruah pah dih ko nain hi bantuk hi miphun dang pakhat sinak in kan ton pah tawn mi si ko. Vawileipi minthang hlasak zuamnak ” American Idol” zong ah kan rak i tel ve, Bawipa umpinak thawngin round 4 nak tiang ka phan. Ahar deuh mi round pawl cu ka vun pah khawh cang nain Pathian nih a caan za rih lo a ti caah si lai, round 4 naak ah keimah le an ka auh piakmi ka pa pianno tumpa chanbau nak in kan kai kho ti lo. mah vial cu ka hlasak kong cu si rih seh.

7. Lai mino kan zia ah nan uar lo bak mi phunhnin le na uar bak mi phunhnin in ?

lehnak:Uarlo mi pakhatnak cu : hawi tuah poh tuah ve, cawn, kai, uar, chim, zulh cio hi kan hmang tuk deuh rua tiah ka ruah. Mi nawl kan cawng tuk ti kong ning lawi.

A pahnihnak cu kan mahnak in a fim, a thiam a thei, athawng deuh mi hna upat le an sin in cawnnak i laak hi kan i nautat ngai tiah ka ruah, kan huat mi hna ko khi alo sual tawn rua ka ti. ka uar mi phunkhat nak cu Khrihfa kan sinak kan i hngalh peng kan zahpi lo mi hi asi, cun ka uar aphunhnihnak cu Pathian Biakinn kal, pumh le choir cawn lei ah kan i pek peng mi hi asi.

8. US um lai Mino nih kan laiholh le phung le lam hi kan thlau te ko lai tiah na zum maw? tu hmanh ah laiholh le phung a thei ti lo mi kan tam tuk cang va si kaw ?

lehnak: Kan Tlau te ko lai tiah ka ruah ko buin kan i kilven khawh lai ti zong ka zumh ve, innchungkhar pakhat daithlannak in aa thok kho tiah ka ruah.

Ngakchia deuh ka ngiat ve hna tik ah awcawidang deuh in bia an kan leh an kan chawnh khawh ko, asinain biacah tibantuk ahcun tlawmpaal an kal ah an akaa zong nih chim kho lo in an thluak zong nih ruat kho ti lo.

Kilven nak ah hmual a ngeituk lai tiah ka zumh mi cu, Biakinn he i naih peng , Sunday School kai peng innchung khar pumhnak laiholh te in tuah peng hi an si. Kan nulepa nih an fale an kan cawnpiak khawh abiknak caan cu innchungkhar pumhnak lawng ahhin asi tiah ka hmuh, Innchungkhar pumh nak ahcun ngakchia bik a holh hmnah thate in kan ngaih dih tawn .

9. Concert ah na telnak laak ah philh awk tha bak lo mi na experience pakhat te in ?

lehnak:pakhat te in na ti caah , ka ngakchia lio kum 10, 11 hrawng ka si lio ah Halkha Khualipi ah kan Chin hlasa minthang pawl tlingngai in CND ( 2002) caah an sawm hna i cuka ahcun ka rak i tel khawh mi hi asi, Mah lio hlasa sawmmi hna cu kawlram huap in minthang Thawn Kham, Salai Sun Ceu (tlaicia) Solomon MRH, Salai Tuan Ling Thang hna hi an si Hakha aiawh in keimah le ka U Hniang Hniang ( Dawt Hlei Hniang) kan si.

Keimah lawng hi kan Chin hlasa minthang pawl he Stage pakhat cung ah caan ahmang tti balmi ka si rua tiah kaa lunghmuih khun ko. Thawn Kham zong he hla kan rak sa tti. Bawi pawl nih hlasak an sawm nak zong ah an kan sawm ve tawn. kawlholh ka rak thiam rih lo i ka nu nih holh an rak let biak 🙂

10. Ramthumnak in a thang mi na si caah ramtha ahcun mi cawnglawmh le mi thazaang pek an thiam i mi soisel an hmang tuk lo tiah na ruah maw. asinain laimi hi mi soisel kan thawngtuk tiah na ruah maw ?

lehnak:Laimi cu kan duh mi kan ruahmi thazaang kan pek mi tibantuk khin kan langhtar ngam rih lo in ka hmuh, mirang zong khi a biapi tuk in an chiah tikah tahchuhnak ah an duhmi hla kan sak ko zong ah an duh ning kan khen lo ahcun an mah umm in a um men ko.

kan sak mi an lungtlin ve ahcun an ra i thazaang an rak kan pek colh ve. Na aw tha, na sak lio ah kaa nuam , na sak mi a dang pawl youtube ah a um maw, na fan ka si ve cang hih tibantuk khin an rak kan theihtar colh, zeipoh ah kan umnak hmunhma hi cu kan puh lem lo kan mah hi kan si ko tiah ka ruah, soisel hi cu a hmang mi an um ko lai asinain a tam lai ka zum lem lo.

11. Online in Biaknak kong le miphun kong ah bia elnak a chuah pah lengmang mi hi zeitindah na hmuh, thathnemnak aum ko tiah na ruah maw ?

lehnak: Thil cu kap hnik pengin a um i a tthatnak a um bantuk in a chiatnak zong um ve ko lai. A laak zia tu khi thiam hau in ka ruah. Pathian ca taktak ruah buin a si ahcun, thil ttha si ko lai. Miphun kong ahcun elnak zong cu a um pah ding si ko rua tiah ka ruah.

12. Laikhal nungak pawl caah biapi bak mi biahalnak, Nungak na ngei cang maw ? Nupi caah mirang nu maw lainu ?

lehnak:Haa. Ngei ning law ka ngei kaan ti ko hnga. Nupi ding ahcun kan lainu bak 100% ka duh bik ko. A dang mirang,minak,kala,a dangdang hna zong hi biaktak kharihfa a si mi le, ziaza i theih mi cu 90% si ve ko.

13. Na Uarci phun nungak hi zeibantuk dah asi?

lehnak:uar phun ti in cun ziattha,mui dawh, mi fim, pumrua ttha, cu kan uar dih ko hnga. Sinan, kanmah tawk te hi kan zoh ding a si ko tiah ka ruah.

14. Lai mino hna sin ah biacah na duh mi ?

lehnak:mi zawnruahnak ngei hna usih. Ttanh awk a tlak mi cu ttanh hna usih. Kan si khawh ning in ram le miphun caah i zuam hna usih

15. Lai hlasak thiam hi miphun le ram caah biapi tuk mi nan si caah, Pathian hla lawng si lo in Love song le ramkhel hla tibantuk tampi sak awk asi tiah na ruah maw, ziah ramkhel hla aum tuk lo na ruah ning ?

lehnak: Tampi in sak le phuah ding an si. Ramkhel lei a zuam(seih-win-sa) deuh mi hrim nih cun, an tial, an sak chinchin awk a si tiah ka ruah. Vawlei minthang a duai kho lo mi hla pawl kan vun zoh ahcun, ram hla phun, tuan bia phun,thazaang peknak hla phun deuh khi an si ko.

Kan nih cu love song,pathin hla,ram hla peng lawng hi a bik in kan tuah tik ah, Hla phun 3 lawng a ngei mi le,a duh mi miphun kan lo. Kan khuaruah naak zong a kau deuh kho ti lo. Asi. Hlasa,hlaphan,music tum kan biapi tuk kan holh le ca kilven nak zawn hrim ahhin.

Ram hla siseh, Style aa dang mi hla tete hrim kan herh. Vawleipi nih kum 20 hlei in an kan lawnh kan kawlram pi music dirhmun hi. Um hlun peng ah um ti lo in, a thar don(welcome)kan herh tiah ka ruah. Ram thum nak ah a chuak/tthang mi lai-tlai kan nau le pawl nih kan holh le kan ca an kal taak sual nak hnga lo,an laak khawh mi,an duh phun, chanthar hla le music kan herh ko tiah ka ruah.

16. Concert ah buainak a chuah lengmang mi hi zeitin na hmuh, zeiruang bik dah asi hnga?

lehnak:minung tampi nih rak chuah hnawh mi concert, a nuam in caan hman ding kha, a buai mi, mitlawm te ruang ah zoh dawh lo, nuamh lo, puai a rawk tibantuk hi a poi taktak. Zu rit ruang, pawngkam zawnruah lo, nuamh thiam rih lo ruang ah a cang bik tawn ko rua tiah ka ruah.

kan biahalmi nan kan leh caah kan i lawm

Kaa lawm ve. I zuam chin ko ulaw. God bless

Click to comment

Leave a Reply

Your email address will not be published. Required fields are marked *

More in Celebrity

Facebook

Rel Bikmi

Advertisement
To Top