Va Angei Ding Mi Nu Nih Mah Hi Tuah Law Buainak Na Ngei Bal lai Lo

* Ka vapa cu ihkhun cungah lawmhter loin, ka ningzah ruangah ka cawl ngam sual lai lo ti ka phang! Amah lawmhter a thiam ngaimi le nudang herh bak lo dingin ka nuamter khawh nakhnga i sersiam ka hau.

*A chungkhar pawl he neihniam te in um ka Zuam hnga . Ka chungkhar an si cang lai caah dawtnak thinlung he zohkhenh ka hei i tim ko hna hnga.

*Ka vapa nih ka um hngan ah, keimah ruang ah  a chungkhar pawl biahrang in a ti sual hna lai ti ka phang hringhran. A caan te ah cun a ka ṭanh ve awk a si ko hnga.

*Zeizongte ah a chungkhar bia a ngai dihmi pa cu ka caah valtha ngai a si kho lai lo. Ka bia le a chungkhar bia cuaithlai a thiammi si a hau hnga.

 *A ka duh tuk ruangah ka bia a ngai dihmi si hlah seh. Ka herh caan ah a ka bawm khomi pa, a ka ṭ Daw mi le a ka ṭtihzah thiammi pa hei si sehlaw…

*A caah duhthimnak a har tukmi tuahpiaktu si ka duh hnga lo! Keimah asiloah a chungkhar i thim dingin ka fial ahcun lungrethei in a um sual lai, amah nih a thinlung hoi in khuakhang ko seh.

 *A rianṭtuannak in a rak ṭtin caan ah inn ah rak um i rak don lengmang ka duh. Hmaipanhte in ka rak chawnhbiak ahcun a thabat a dam colh lai ti ka hngalh.

*Biakinn le sang le vengah a rian hna tihzahpiak lawng si loin, a rian bawmtu si kho ding tiangin kaa zuam lai.

*Chumhchuan thiam ngaimi si lo hmanhning law, chumhchuan kong tialmi cauk tampi in ka cawk lai i, ka vapa caah thawte in chumhchuan khawh kaa zuam lengmang ko hnga.

*Kan dl hlun pawl kong chim lo kaa tim lai, a nupi ka si cang ruangah a dl hlun kong chuah lengmang in ka caan liamter ka duh nemmam lai lo.

*Lunghrinhnak in a khatmi nupi nakin, a zum ngamtu si cu a caah hlawt a har deuh ti ka hngalh.

*Ka vapa caah a zatawk in ka lerh (sexy) a ngai i luan tuk loin i ṭumhthiam zong a hau. Cun, ka vapa mitthit dingin le a duhnungmi nupi si kaa zuam lai.

*A lungretheih le vansan caan ah a kut tlai in a lu ka muai lai i a si khawh cungin hnemh le bawmhchanh khawh kaa zuam lai. A herhning in caan a pe khomi le a lungsaumi nupi si zong ka hau fawn.

*Kan i ngeih camtuak (anniversary) asiloah a chuah camtuak (Birhtday) fatin in a caah a sunglawimi tuahpiak le pekchanh ka duh hringhran. Cu lawng si loin, thil a ka pekmi poh lunglawmte in cohlan zong ka duh thiam thiam.

*Kan fale nih an ṭtihzah khawhnak dingah kei nih ka ṭtihzahnak langhter hmasa lengmang a hau. Ka fale sualnak cu a sinah phehpiak ka tim lai lo.

*A duhning in ka um ahcun a let hnih in a ka dawt lai ti ka hngalh caah ka thih hlan lo, a duhning in um hi ka rian ngan bik a si lai.

*Hi thil hi ka tuah khawh hrim lai ti ka hngalh. Hi bantuk nupi ka si buin ka vapa nih nudang a hei a duh rih ahcun kir ti lo dingin zungzal caah “Mangṭtha” ka ti ve ko lai.

Zawltling & Ngambawm