US Um Chin Miphun Hruaitu Upa Hna Nih Chin Ralzam Caah Cozah Ton Ding In An I Thawh

(CCI President Pu Peter Thawnghmung cu nihin, Nov. 5, 2018, ah American Baptist Church hruainak in kan miphun kong ah Washington DC ah a kal. Tutan ah an tonmi cu Ambassador at-Large for International Religious Freedom a simi Sam Brownback (Samuel Dale Brownback) ton ah a si.

Tutan an tonmi kong he pehtlai in ruahchannak tampi a um. Ram hnihnak kan miphun a taang rihmi hna caah a si khawh chung in bawmh an kan zuam lai. Amah hi a kan bawm kho tu taktak ding zong a si fawn. 2019 Chinmi ralzaam kan sinak UNHCR nih dihter an timhmi kong ah a si khawh chung in pehzulh a kan timhpiak. Thawngpang thar zong a herh ning in thanh khawh lengmang kan zuam lai.

Thlacamnak in kan bawm rih uh. CCI nih miphun caah a si khawh chung in ai zuam. Chawva zong in bawmh kan herh rih ko. Ruahnak peknak zong in bawmh kan herh rih ko. Tutan kan thil tonmi a tlaam a tlin tiang kan tawlrel khawh nak hnga Pathian sin ah thla cam rih ko uhsih.

Tutan tonnak ah a kalmi hna cu:

Advocacy team members:

Rev. Roy Medley, Rev. Florence Li, Rev. Leslie Turley, Ray Shellinger, Curtis Lucas-American Baptist

Rev. Rollin Van Bik-CBCUSA,

Peter Thawnghmung-CCI,

Gum Nan SNang, Rev. Jum Maw San Awng-Kachin Advocacy hna hi an si.

Upatnak he,

Van Tha Kam Thang

Secretary

Chin Community of Indiana