UNHCR Policy Thar : UN Card Thar Thlen Tik Ah Catlap Lawng Pek Nan Si Cang Lai

Malaysia Chin ralzam hna nih theih a herh ngai ngai tiah ka ruah, na UNHCR card a thih hnu ah ” renew ” a thar na va thlen tik ah Card an i pek ti lai lo, Phungphai thar an ser mi a si caah catlap lawnglawng pek na si lai, hi Policy hi nizaan 2 . 14 .2019  inkhan an thok mi asi.  Card renew tuah tik ah  thla 2 chung ca catlap an pek hna , thla 2 dih hnu ah UNHCR ah kal than asi lai, appointment ni le thla caan hi akhat dih theng lai lo nain a tam u cu thla 2  hnu ah UNHCR zung ah kal than ding asi lai.

UNHCR officer nu pakhat nih Kan thil tikhawhnak Capacity nih a tlingzat lo caah tu bantuk in Catlap hi kan i pek nak hna asi tiah a chim, Card a renew mi poh catlap pek an si lai tiah a chimchap, zeiruang set ah dah asi timi cu an chim duh lo, a ho hmanh zong nih theih khawh asi lo Capacity kan ngeih lo ti lawng bak kha a ruang an chim mi asi.

Aliamcia caan ah Card thar rak thlen lio ah Card a hmu cang mi pawl cu an vantha ngaingai ti khawh asi, Catlap lawng rumro in Malaysia khuasak hi a him lo deuh ngaingai, cheukhat Immigration le palek riantuan tu pawl cu Catlap hi an cohlang bak lo tleihkhih colh asi theo tawn caah ralrin ngai a hau mi asi.

Cu caah hi policy thar chuah mi hi  tukum chung UNHR Card renew a tuah mi pawl caah thawngpang chia ngaingai a si, tuan ah Card a kan pek khawh colh lo ahcun ralzam mipi kan caah a poi ngai te lai Sizung kalnak le Palek kut in  luat nak ah a hnahnawhnak tete um khawh asi. Appoiment catlap an kan pek mi thla 2 hnu lawng ah UN Card an kan pek le pek lo theih khawh asi te lai, cun zeidah a cang  timi zong i fian khawh asi te theo lai. Kan catial mi kan mah nawl lo in Copy hlah !

Note: Hi thil hi nizan taktak te lawng in tuah hram an thok mi asi caah zapi caah a si kho lo men cheukhat ca lawng zong ah asi kho men, zeihmanh fiangte in theih khawh asi rih lo.