Connect with us

Malaysia: Chin Miphun A Tam U Cu Ralzam An Si Lo Tiah UNHCR Lehnak An Tuah

Chin ralzam

Chin

Malaysia: Chin Miphun A Tam U Cu Ralzam An Si Lo Tiah UNHCR Lehnak An Tuah

UNHCR ah card a app than ding mi Myanmar Chin miphun pawl hi ralzam Card a tlaih mi an si lo, Asylum Seekers Card a tlaih mi humhimnak a kawl mi an si tiah Malaysia UNHCR zung nih cathanh an chuah. Nizan tihni te ahkhan R.AGE nih “ Refugees No More” timi tlangtar in Chin ralzam kongkau Video he capar he tiin Media ah an hun thlah, a tlangpi in an tial mi cu UNHCR nih 2019 kum dong ahcun  Chin ralzam  donghter ding in thawngthanh nak an tuah mi a theipar nih Chin ralzam tampi  harnak, a pek hna, thinlung lei damlonak. Lungdongnak tihphan thlatlaunak nih a den hna i mahlemah i thatnak tiang a chuahpi.

Cheukhat Chin mi ca ahcun nunnak le thihnak ri ah a chiah hna tiah an hun langhter, a liamcia kum zeimawzat ahkhan Chin miphun ralzam ah pom rih lo mi , Asylum Seekers a simi minung 16,000 kha ralzam si awk ah an itlak maw tlak lo tiah UNHCR nih zohnak a tuah tik ah , a tam deuh an tuanbia ( Case)  cu UNHCR nih aa tleihmih ralzam tleihtleng an phan kho lo tiah UNHCR nih an chim.

Malaysia ah ralzam dirkamhtu Refuge for Refugees timi NGO lutlai  Heidy Quah nih , ralzam an si pek humhimnak kawltu an si pek ah dangnak a um ah ka ruat lo ralzam cu rambuainak ruang ah a rak zam mi asi humhimnak akawlmi zong cu ralzam tiah cohlan rih lo deuh mi khi an si ko. An i khat ko, an dihlak in mah le khua le ram le inn te ah um an duh ko an him lo ruang ah him duh ah a ra mi an si , Malaysia  ah kan nun kho deuh lai tiah a ra mi an si lo tiah a chim.

Malaysia a thazaang thawngbak timi ralzam biatak te in dirkamhtu Tenaganita NGO zong nih a chim mi cu,  UNHCR nih Chin ralzam chung in fakngak in a zaw a damlomi hna hi zohkhenhding mi case ah an cohlang duh ti hna lo , an mah UNHCR lila nih le zohkheh a hau bak mi minung lawng UNHCR  nih pa kan pek hna lai an ti fawn tiah an chim ve. Thimnak pahnih an pek mi hna zong hi Chin ralzam caah a ningcang ( fair) lo tuk  RSD biahalnak minutes 15 hna lawng caan an pek hna tibantuk kha an chim ve.

A zei khawm a siah 2019 kum dongh rumro in Chin ralzam donghter ding cu a si kho lo a caan tawituk laklawh, a tlawmbik ah UNHCR nih an policy hi zohthan ngeih hna sehlaw a kumcaan hi thawn piak deuh hna seh, Chin ralzam pawl zong Chin ram a him tik ahcun an kir te ko lai tiah a chim ve, a tucu an ram him rih lo, caan an pek mi hna hi a tawi meisei kumkhat le cheu te lawng a si tik ah hurkua thukpi ah va hlonh hna he bei a khat cu tiah Tenaganita NGO  an chim.

UNHCR nih alet mi hna cu sautuk caah  tawifiannak in a tanglei ahhin ka hun langhter than, UNHCR nih Chin ralzam kong hi pehzulh in kan hlathlai peng mi si UNHCR zohkhennak le huhphehnak an herh ti maw herh ti lo timi hi  kan zoh lengmang mi asi. The Star nih thawngzamhnak a tuah mi ralzam le Humhimnak kawltu a thlengdang thiam lo in a tial tik ah lung abuaiter ngaite.

Phungthar kan ser hnu in Chin miphun 16,000 humhimnak kawlmi Asylum seekers hi ralzam sinak an I tlak tak maw tlak lo tiah zohnak kan tuah Chin Communities pawl he zong neihniam te in rian kan tuan rih ko lai an caah caan sau a nguh mi a phichuak kan kawl lai tiah UNHCR nih lehnak an tuah. Malaysia cozah nih Chin miphun hi caan karlak chung an ram ah phungning te in umnak nawl zong a pek te ko hna lai tiah ruahchannak kan ngeih tiah an chimchap.

Click to comment

Leave a Reply

Your email address will not be published.

More in Chin

Facebook

Rel Bikmi

To Top