Tihzah Tak Mi Phungki pa Cu Pa Pakhat He Sualnak An Tuah Lio Video A Chuak

Taiwan ram i mipi nih an upat tihzah ngai mi phungki saya pakhat cu sex lei lungthawhnak rithaisi ahman hnu pa pakhat he sualnak an tuah tti lio Video a chuah hnu ah a pheh khawh ti lo caah palek nih an tleih. Mah phungki pa hi amin ah Kai Hung asi, kum 29 minung te lawng asi rih mifim cathiam taktak asi i An pathian biaknak le ah a pe ngai mi minung arak si caah mipi nih  an upat ngai mi le tihzah ngai mi saya pakhat zong asi.

Bubdah biaknak lei secretary rian zong a tuan mi asi , ahnu ah cun biaknak ah a pe ti lo, phungki nu pawl zong rithaisi i alem hna i asualpi hna tiah theih asi, Tutan Video file a chuak mi hi cu mipa pakhat he sualnak an tuah lio asi. Palek nih a sining an theih hnu ah kai hung cu aumnak pungki sianginn ah tleih ding in an kal hnawh.

Asinain , Kai hung I thup manh kho seh tiah Phungki sianginn chung ahcun palek pawl cu an lut ter colh duh hna lo, a caan a ei piak, asinain ahnu ah phungki sianginn ah athup mi Kai hung cu palek nih an kawl i an tleih thiamthiam. Riahaisi zong tampi an tleih chih. Asinain Kai hung nih cun keimah ka si lo tiah a pheh chih rih.