Connect with us

Teinak Le Hlawhtlin Nak A Hmumi Pa Hnu Lei Ah Dirkamh Tu A Nupi A Um

nupi

Education

Teinak Le Hlawhtlin Nak A Hmumi Pa Hnu Lei Ah Dirkamh Tu A Nupi A Um

Teinak le hlawntlinnak a hmumi pasal le hnu ahhin a dirkamh pi cu nupi le an um zungzal tiah chim lengmang mi bia a um tawn, cu caah nupi le nih an pasal le hi nan dirkamh hna i thangzaang nan pek hna ahcun teinak le hlawhtlinnak kha nan chungkhar nih nan hmuh ko lai, a sinain a tanglei bantuk hin umtuzia thiam i zuam ve.

1.Cheukhat pa cu an i tinhmi lam hi an saduhthah mi nungak pakhat ruang ah a lotlau dih tawn, Asinain ruahnak thuk mi le a fimmi nu nih cun mah kha an duh piak hna lo, An vat ding mi pa nih an tinhmi lam a tluannak ding ah chiti an toih piak hna i tthazang an pek hna.

2.Zuamnak a ngeimi minung poh hi voikhat tel cu an tluk caan a um theo tawn, cu bantuk caan an ton lio ah khat ta lei in zaihnawh le holh tamtuk lennak in biathlum te in tthazang pek a tthawng mi nu, thinlung a rittuk mi kha a zanter khotu nu hi a herh tuk.

3.A nuammi chungkhar, theihthiamnak he a khatmi chungkhar le nung a nuamhter tu thazang a damter tu cun riantuan nak in thaba ngai in a raktin mi va le kha hliphlau ngai inle duhnung ngai in a dongkho peng mi nu hi zeitluk in dah a herh ti kha nu pawl nih nan theih ding a si. Cun a hlei in innchung khar buaibainak kong le tlamtling lonak kha a leng ah nan vahpi lo ding hia biapi taktak.

4.Ram pakhat ah ruahnak petu an um bantuk in, thinlung, ruahnak, bia chahnak ttha bik a petu ding cu nupi le an si, Ruahnak kau mi nupi le a fimmi nu nih cun a ttha bik ruahnak kha an va le an pek tawn hna.

5.Secretary thabik mi cu nupi le hi nan si, chungkhar cu company pakhat bantuk te khi a sive ko, zei thil poh nan tuahnak ah timhtuahnak le ralrin peknak te tibantuk ngeihkhawh a zuampeng i chanbaunak a um sualnak hnga lo tiah thate in tawlrel tu le tlamtlinter cu nupi fel an a si ahcun nan chungkhar riantuan mi ah teinak nganpi nan hmuh ko lai.

6.Dirkamh pi a thiammi le va le harnak ton caan le lungretheihnak ton caan ah a pasal drihmuh a theithiam i thinlung le fimnak lei in dirkamh pi thiam a herh a ruang cu nupi le hi vale caah a tthabik mi ralkap le ral a doh piaktu zong a si.

Click to comment

Leave a Reply

Your email address will not be published.

More in Education

Facebook

Rel Bikmi

To Top