Chin
Spain Ram Pumpululh Chuih A Va Kalnak Ah Messi He A Tong Mi Chin Tlangval
Denmark ram ah khuasa mi, Zophei peng, lawngtlang khuami Pi Florence le Pu Rual Mang hna i an fapa upa bik chang Chuck norris kum 15 pate cu Spain ram pumpululh chuih tranining va tuahnak ah Messi he minute pathum chungte biaruah ttinak le hmanthlak ttinak caan tha a va hmu,
Chuck norris hi Denmark ram Billund Club timi Football Club ah a tel ve mi asi , Spain ram pumpululh chuihnak training va tuahnak zong ahcun a thiam bak tiah thimmi ah a tel ve mi asi, an Club zongah a thiam ngai mi le an saya te nih i bochan ngai mi pakhat asi ve.
Messi he chikhat
Pi Florence le Pu Rual Mang hi Denmark ram ah 2013 ahkhan an rak phan i , fa 4 an ngeih hna upa bik changtu ah Chuck norris hi asi, Spain ram ah pumpululh chuih traning tuahnak ah a va kal hi tuthla Oct 13 ahkhan Demanrk hram dirh ” Billund club” in an kal tiah theih asi.
Spain ram an va i thumnak Hotel pawngte ahhin Messi umnak asi Exercise an rak tuahnak ah Chuck norris nih, Messi cu minute pathum chungte biaruahnak caantha ka ngei, mirang holh a thiamtuk ve lo, ka uartuk nak kong ka chimh , i hmuhkhat te ah hman kan thlak kho tiah Chuck norris nih cun a chim.
Pi Florence le Pu Rual Mang hi Malaysia ah kum 5 chugn ralzam dirhmun in an rak um hnu ah , 2013 ahkhan Demark ram an phan ve , an fapa Chuck norris hi 2014 ahkhan Denmark hramdirh mi ” Billund Football club” ah a lut ve mi asi, a hawile laak zong a thiamkhun mi asi caah Spain ram pumpuluh chuih training tuahak minung thim mi lak ah a tel kho ve mi asi.
A tu hi Chuk Norris cu vester skole ah tang 8 akai cuahmah lio, Chin miphun kan umnak ramkip cio ahhin kan mah le pahrang cio in kan miphun min kan that ter chin lengmang mi hi Pathian thlawchuah nganpi pakhat asi ve.
