Singapore sin um riantuan nih thil afir ruangah sual phawt asi

Kum 45 asimi Indonesia nu sinum riantuan cu Changi Airport Group Chairman Liew Mun Leong te chungkhar thilri Singapore Dollars S$30,000 man hu afir ruangah tuchun March ni 20 ah sual phawt asi tiah Channel News Asia nih thanh ca achuah.

Indonesia nu Parti Liyani hi kum 2007 in Liew Mun Leong le chungkhar sin ah sin um ria atuan i a luh ka ah hin thlakhat ah S$300 ahlawh i Kum 2016 tiang atuan, ahlawh zong S$600 ah kaih asi i in ngeitu nih thil afir ruangah an rak thawl.

Thil aphun phun, Suimilam, Bag $200 mah, le an fapa hruk aih mi angki le bawngbi,an fanu sui le mitbenh ti phun pawl thil ri phun phun dollars 30,000 man arak fir i bawm chungah arak ben hna.

Parti hi athilfir mi zat in bia caihpiak asi i Tuchun Biacaihzung biakhiah nak ah sual phun 4 in phawt asi i kum 7 chung thawng tang dingin bia khiah piak asi.