Connect with us

Sarlaam,Cawnglaizawnh Le Ruakhatlak

lam

Chin

Sarlaam,Cawnglaizawnh Le Ruakhatlak

Kan lai laam hi kan sunhsak ngaimi an rak si ve nain an rak thok lio ah zei caah dah an hman i an laam tihi cu chanthar mino nih kan thei tuk lo.A tu ah cun nungak tlang vaal nih an vun laam cio tikah zoh aa dawh tuk.Saarlaam cu zei dah a si,cawnglaizawnh cu zeidah laam hnawh chan a si ti le Ruakhatlak cu zei dah a si timi hi rak zoh tti hna u sih.

Saar laam

A laamthlurpi cu nupa lakthlak in kan i tiang,hnu hmaiah kir,kal i laamdot  ning tein kut kha cawikhat,thlakkhat ah thlak keh- orh- keh i kal kha a si ko.Thawr nih an kuttum he mitau raltto in an laam; Zotungnih an zaa an i zo i an ke kha a hlonh in an hlonh; Senthangnih hlan ah cun ding tertur in an dir i cung le tang an kut an thlak,nihin ah cun kawllaam bang an i hngerh khawh chung in an i hngerh i di a riam ngai.

Hi laam hi tambik cu khuangcawi ,bawi,laamserh,sareu hna ah an thiah mi hna nih an laam.Laam dot tampi a um nain a chunthattu nih a chunhthah zat kha an zoh i laamdot tlawmtam in ri an khiah.Khuangcawi ah cun laamdot tam deuh laam khawh a si.Nihin mino nih kan laam hi Thawr laam le Senthang sarlaam kahpia  a si i tu chan mino nih pehtonh mi lam a si.Nihin kan sak mi cu Pu G. Biak Nawl nih a kan phuah piak mi ‘nai sai lo’ ti lawng hi a si.Siaki,paran,sumsel,cheng le lawi vialte an tum .

Cawnglaizawnh

Milian mingei pawl an thih tikah an ruak pawngah khalhpah ,ttahpah in laam mi a si.Mithi caah laam an serh ah cun khat lei kap in pa pakhat nih zuthawl aa tlaih a din pah in a laam pah.A hnu in nu pahnih nih mithi an kuat mi thil kha sei ah an senh ,mah cu bei pah in an khalh.Laam dot dot thum a ngei.Nihin bel ah cun tamdeuh zong tel in an laam .Tum awk vial te tum a si.

Ruakhatlak

Laam serh ah laam mi a si.Chantling an tlinhmi thing luang pahnih cungah rua kha khuah 7 an tian i tlak mi a si.Pa pakhat nih meithal liang chuan in ,nu pakhatnih zal bei le hawle put in le sei in thil phorh pah le bihthlalang put in an tlak hmasa bik.A hnuah cun a ho paoh nih an tlak cang.Chun i a tlak an um i zaan i a tlak zong an um ve.Na hmuh ning le na ruah ning he aa kalh tuk ve men lai dah ka ti.A ruang cu chanthar mino nih laam kong hi kan rak theih lo caah a si ko.

CCC magazine chung i Pu Ni Kio ttial mi a si

Click to comment

Leave a Reply

Your email address will not be published.

More in Chin

Facebook

Rel Bikmi

To Top