Connect with us

Rohingya ralzam pa Voi 7 zuar asi

World

Rohingya ralzam pa Voi 7 zuar asi

PETALING JAYA : Rohingya Ralzam pa kum 25 mi, Ziaur Rahman hi Myanmar Rakhine state in Bangladesh ah azam mi asi i Bangladesh Refugee Camp Cox Bazaar ah a um mi asi, Refugee camp i ai chawhvah lio ah Pa pathum nih nih an kidnap i Baladesh le Myanmar ramri nak tiva ah an kalpi.

an kidnap mipa nih achim ningah Tiva kan phanh in an ka vuak, ka kut an ka tem ruangah ka let ve kho hna lo, ahnu ah tilawng fate in an ka kalpi i hmun pakhat tilawng nganmi um nak hmun ah an ka kalpi i cuka ah cun an ka zuar, midang 100 renglo an kidnap mi zong an um ve i misual pawl cu Meithal an itlaih dih, zam ai tim mi paoh an kah hna.

Nu tlawmpal hramhram in sex tuahpi dingah an kidnap mi zong an um, ka hmaika bak ah ka mit hmuh ah sex an tuahpi, Tilawng in an kakalpi i Thailand ah an ka kalpi i an ka zuar, cu ka hmun zong cu Kidnap mi hna chiah nak thiam thiam asi i ramtang ah asi.

ahnu ah minung tlawmpal nih Motor in an ka phurh i Malaysia lei ah an ka kalpi i Malaysia ramri ah an ka zuar, Malay misual pawl nih cun Motor in an ka kalpi i rili pawng hmun pakhat ah an ka chiah. cuka ah cun Kidnap mi tampi an um ve.

Ramtang ah asi i nikhat ah rawl voi khat lawng an ka pek, cu hmanh cu tlawmpal te lawng asi, acaan ah cun rihli ti al mi hna an ka dinter, Ahnu nitlawmpal ah Motor in an ka phurh i Petaling Jaya ah Petrol thun nak hmun ah an idin i India mi pahnih sin in Phaisa an lak ka hmuh.

Petaling Jaya cun ka zam i Malay Chungkhar pakhat sin ah bawmh ka hal, cu Malay chungkhar ning cun an motor in Kuala Lumpur ah an ka kalpi i Malay UNHCR Zung ah anka luhpi i UNHRC tangah ka um.

Keimah nih cun Malay UNHCR Sin ah Bangladesh Refugee camp Cox Bazar ah khan kir than ka duh nak ka chim i Bangladesh Cox Bazar ah kuat dingin ka nawl hna nain Malay UNHCR nih an ka sianh lo, Malaysia UNHCR run ven nak na herh ruangah Malay UNHCR tangah um rih dingin an ka ti tiah Kidnap mipa Ziaur Rahman nih achim.

Continue Reading
You may also like...
Click to comment

Leave a Reply

Your email address will not be published.

More in World

Facebook

Rel Bikmi

To Top