Rev.Dr Tuan Peng Thang nih fiakfairok kong achim mi

Rev.Dr Tuan Peng Thang nih Fiakfairawk awnh caan kong atial mi catlang tawite hi theihphu le theihtlei taktak khi asi, Fiakfairok hi sullam ngeilo in arak awn bak lo tinak arak si, Rev.Dr Tuan Peng Thang nih fiakfairok awnh caan kong atial mi catlang tawite chu:

Fiakfairawk Awnh Caan : Rev.Dr Peng

Kan Lairam ah awdawh in akan awitu fiakfairawk vate hi amah le a awnh caan teah sullam ngei tein a awn mi a si. Ral vengtu vate a si i vadang hna nih an ti antit lio caan le fano an ngeih lio caan Rul, thiahlei, vate fa ei hmangmi ral tampi lak in vengtu a si caah vate dang ti antit lio caan ah chun he zaan he a rak awn i ral a rak veng.

A awnh thawng hi ral nih an tih tuk ti a si. An ral vengtu a si caah fiakfairawk nih buu tuah caan le ti tlumh caan a ngeih lo caah ral a ven piakmi hna vate dang nih an tuah ciami vabuu ah ti a tit i vate dang nih an tlumhpiak i a fa tiang an cawm piak ti a si.

Vate hmanh nih anmah ralven piattu an theih i dawtnak in a dawtnak an cham lio ah Maw Minung le Laimi aw. Ralven piaktu le dawtu hmanh kan thei lo mumuuuuuu,,,,,,,,,,

Note : Rev.Dr Tuan Peng Thang nih acunglei i Fiakfairok awnh caan timi tlangtar in atialmi khi theih tlei ngaingai asi lawng silo in miphun ah sullam anei ngaingai mi biazai asi.