Connect with us

Ralzaam laknak kong meeting ah ACC Secretary a kai kho

chin

Chin

Ralzaam laknak kong meeting ah ACC Secretary a kai kho

2018-2019 Australia Cozah ralzam laknak kong meeting ah Australia Chin Community Eastern Melbourne Inc cu sawm a si btk in ACC Secretary Simon Sang Hre cu Meeting ah a kai kho. Mah community leaders meeting hi Melbourne Home Affairs zung ah tuah a si.

Hi Ramzaam kong meeting ahhin Australia ram pumpi Home Affairs Minister Hon. Peter Dutton zong a tak kai ve caah amah he zong direct in kan miphun kong ah chimhruahnak ngeih a si.

Tutan meeting ah biapi in chimrelnak le langhter mi hna cu atanglei bantuk hna hi an si.

  1. Kawlram a him lonak kong le Burmese ralzaam na kan ti tik ah tlangcung mi kan si kong le tlangcung mi cu Kawl mi nih hrem mi kan sinak kong cu fiangfai tein Minister sin ah chim a si. Atu lio ah Kachin le hmun dang ah buaibainak a chuaknak le Chin miphun ralzaam dirhmun in Malaysia le India ah khua a sa mi hna ca’h himnak a um lo kong zong le lak hrim an herhnak kong zong falfai tein chim a si.

  1. Community Support Program hi a man nan fah ter tuk caah kan Community nih cun Malaysia le India lei ah chungkhat unau tampi kan ngei ko nain tangka kan ngei lo caah kan auh duh ko nain kan tuah kho lonak kong zong faak piin chimphuannak a ngeih a si. Hmaikum cu rak kan ruah piak hrimhrim ko uh. A man a fak tuk. Minung pakhat auhnak in inn le li zalh le cawk khawh asi naak kong tiang chimrelnak ngeih a si.

  1. Kan community chungah pakhat le pakhat rian hmuhnak ah siseh, khuasak tuuntuknak ah siseh kan i bomh ning kong le Australia ralzaam community lak ah a awngmin bik mi pakhat kan sinak kong zong tha tein chim a si.

Cucaah tutan meeting cu kan Miphun kongah le ralzaam kongah faakpi in langhter le chimrel a si caah lung a hmui ngaingai. Bawipa nih kan Miphun caah santlai thahmen ah caanter hraam ko seh ti hi kan thlacamnak a si.

Note: Minister cu Chin Community sinah ah rak leng ding in sawm a si. Tutan Meeting sawm mi hna hi Refugee Settlement a tuah deuh mi lawng sawm an si nain Chin, Karen le Rohinya Community cu tha te in sawm an si.

Miphun ah Lungkhat tein

Australia Chin Community

Eastern Melbourne Inc.

Click to comment

Leave a Reply

Your email address will not be published.

More in Chin

Facebook

Rel Bikmi

To Top