Pumpululh Cerhtual Vel In Voi (20) Tiang An Tlik Ter Caah Siangngakchia Pa A Nunnak A Liam

Indonesia ram ah Highschool a kai liomi siangngakchia pa pakhat cu sayapa nih fak tuk in dantatnak a pek caah a thi tiah theih a si, A thimi pa hi kum (14) tluk (Fanly Lahingide) tiah min langh termi a si.

A thimi Fanly cu oct, 1 ah khan a hawi le minung 5 he sianginn kai caan minute 25 tluk an hnut ruangah, An sayapa nih voi 20 tiang pumpalulh cerhtual vel in tlik a fial hna hi a si, Fanly nih tlawmpal a tlik ah an sayapa cu ka baa tuk ka celh lo tiah a ti nain, An saya pa nih nai ti ter a ti i dinh caan pe loin pehzul in a tlik ter tthan.

A donghnak ah Fanly cu a celh ti lo i a tluk hnu ah rianrang in sizung ah an tlik pi nain an chanh kho ti lo, Fanly hi a thihnak a ruang bik theih a si rih lo nain, Lung zawtnak a rak ngei cia mi a si lai tiah zumh cio a si, Hi kong ah sianginn nawl ngeitu nih sayapa cu an humthuh nain Fanly nu le pa nih Upadi ning in kan kal lai tiah an chim.

Shwemom