Connect with us

Pu Peter ThawngHmung Cu UN Le State Department Meeting Kai Thawh Cang

Chin ralzam

Chin

Pu Peter ThawngHmung Cu UN Le State Department Meeting Kai Thawh Cang

Chin Community of Indiana President cu UN Le State Department Meeting Kai a Thawh.

Chin Community of Indiana President Pu Peter ThawngHmung cu tulio i Malaysia le India i kan Chinmi Refugee pawl an tonmi harsatnak pawl kong ceih dingah Washington DC lei ah meeting kai a thawh cang. Chin Community of Indiana cu INDIANAPOLIS ah a ummi asi. Hi Community hi Chin Khrifabu hna nih an dirhmi asi( Chinmi dirhmi asi). A Suallam cu Chinmi aiawh tu Committee pakhat asi. US ram ah Chinmi nih Cozah theihpimi Zung asi. Chinmi kongkau he a pehtlaimi poah cu tuanvo lak dingin dirhmi asi.

Indianapolis ummi Chinmi calawng silo in Vawlei cung Chinmi ca tiangin tuanvo aa timmi buu asi. Cu caah hi kan Vawlei kili ummi nih kan Chinmi kongkau he a pehtlaihmi poah cu kan theihter uh law, kan si khawh tawk in kan in dirhkamh hna lai.

Kan Chinram harsatnak kan ton lio zongah US Dollar in Sing zakhat leng kan Chinram hartongmi hna caah bawmhnak kan kawl piak ve hna. Mipi zong nih hi bantuk caan ah hin zeibantuk organization in dah rian kan tuan awk asi hi i fiang lengmang zong kan herh hna.

Hi bantuk Miphun kongkau he a chuahmi ah hin cun pumpak le piakpak in zuan lo in Mipi nih Tuanvo pekmi le ceihhmai hnu in thil hi a kal tawn ahcun hmailei kan lam a tluang lai. A tuanzia le kalzia hi thiam i zuam chin hna uh sih. Hi bantuk caan ahcun kan thiamnak hi fonh in ii hmang thiam hna u si.

Note: Thawngpang thar um cun a hnu ah kan in thanh than hna lai.

Chin Community of Indiana

Click to comment

Leave a Reply

Your email address will not be published.

More in Chin

Facebook

Rel Bikmi

To Top