President Trump nih Venezuela ralkap ahro hna

President Trump nih Venezuela ram hruaitu Nicolas Maduro lei atangmi ralkap pawl aho hna i Opposition party hruaitu Juan Guaido tanh dingin warning apek hna, an duh lo asi ah cun nan dihdongh cikcek lai tiah ahro chih hna.

Venezuela mipi harnak atawngmi cu bawmh nak pek an herh nak achim i US nih Venezuela mipi bawmhnak akuat mi cu President Maduro nih aralkap pawl ramri in arak kham ter hna.

Hi lio ah President Maduro nih Russia in Venezuela mipi bawmh nak tuni cawn nithum Feb 20 ah aphan lai tiah thawng athanh ve, Venezuela President Maduro hi Russia le China le Cuba hna nih an dirpi.

President Trump nih achim ningah Venezuela mipi cu aho hmanh nih President Maduro dirpi lo dingin anawl hna i President Maduro ai ah Juan Guaido cu an ramhruaitu ah cohlang dingin aduh nak achim. Juan Guaido hi vawleicung ram 50 nih Venezuela President sidingin an dirpi.