Connect with us

Phil Na Duh Tuk I Na Philh Khawh lo Mi DL Hlun Um Ve Maw

dl

Celebrity

Phil Na Duh Tuk I Na Philh Khawh lo Mi DL Hlun Um Ve Maw

Duh dawtnak cu chim khawh lo in a thuk i a thlum el rak lut hlah ti khawh zong a silo bantuk in rak lut ko tiin sawm khawh len zong a si lo. kan thinlung chungah thuk ngai in hmunhma a la mi minung pakhat he zeitinhmanh in i co kho ding kan si lo tiah kan i theih ko nabu in ruahnak nih philh khawh a zuam lio ah thinlung nih cun innkaa a awn i cohlan a duh peng rih tawn.

Cu ruang ahcun a hlan i kan thinlung thukpi Chungah kan rak chiah i kan rak duhtuk mi le kan philh khawh lomi minung Kha zeitindah kan philh khawh lai.

(1) A tu i kan tonmi kan dirhmun hi kan mahte in kan i fian a herh bik. kan co khawh hnga lo ding mikha i lungsak kho ding in izuam a herh. fekngai in kan i tlaihmi thil pakhat khat Kha kan sining nih a phak khawh lo ruang ah kan lungdongh awk hrim a si lo. Mah nak in a ttha deuh mi kan hmu kho ti lai lo tiah ho nih a chim khawh ?

(2) Hla ngai/ nuamh nak/nihchuah nak a tel mi movies zoh hna , a hlan i kan tonmi thil philh khawh nak ding ah a thacem an si. A sinain hla kan ngeih tikah zuuntuar nak le ngeihchiat nak lam a chuahter chin ahcun ngai bak hlah. A dang thinlung a zaanter deuh ding mi capo/ le movies te pawl le cauk a phunphun tu kha relpiak hmanh a ning deuh lai.

(3) Thinlung daihnak a ttha bik mi cu khualtlawn hi a si tiah thiamsang pawl nih an chim. A duh mi nungak tlangval tel lo bak in hawikom rual single lawngte a dangte in umkal hi a ttha deuh. khualtlawn duh ko nain a remcang rih lo a si ahcun exercise tuah piak khawh i zuam law a tha.

(4) Thinlung fahnak ngeihchiat nak a kan petu kan nehnang tthiang kha a thar in kan chuahpeng nak hnga lo philh kan i zuam a herh. A hlan na sining tthing ah tluk beh i tim hlah. A si khawh chungin philh i zuam.

(5) Nehnang tthing a umnak hmun ah kal hlah.

Nan rak tawn mi eidin pawl kha ei tilo i zuam, nan sining he a khat ngai mi movies zoh hlah. Nan pa2 philhlonak laksawng thilri nan i pek mi poh kha hlonh dih. zei poh ah ngamh sang te in tuan khawh i zuam.

(6) Thinlung thar ruahnak thar in um khawh i zuam,khua zei hmumhma kan phat paoh ah nuamte umhi a herh tuk mi a si,kan phak nak hmun poh ah i nuamh a hau. Na thilhruk fanhaih zong phundang deuh in thlen khawh i zuam chun hmanh , a hlan ah skirt na hruk bel lo a si zong hruk thiam i zuam a hlan ah a hruk bal lo mi thil zong kha hruk thiam ding in na zuam a hau.

Hmumhma /thar ruahnak thar/ hawikom thar he um khawh i zuam hawikom lakah fahnak le harnak a kan petu ding an umcun philh khawh i zuam law a tu na sining thar ah thinlung thar in nun khawh i zuam.

Shwemom

Click to comment

Leave a Reply

Your email address will not be published.

More in Celebrity

Facebook

Rel Bikmi

To Top