Connect with us

PHAISA MAW PATHIAN ?

Pathian

Religion

PHAISA MAW PATHIAN ?

Tuchan kan chanchia ahcun tangka a duh lomi cu kan um lai lo. Kan pawcawmnak caah kan herhmi a si fawn. Asinain a hleihluat tukin duh lo ding kha Baibal he tlawm tein ka vun ttial.Baibal nih tangka duh tuk ruangah zumhnak tiang an kal a ti bang in Tangkaa ngeih duh tuk ruangah zumhnak tiang kal tak cu ttih a nung hrim ko.

Tuchan ahcun Chinmi thenkhat hna zong cozah rian an tuannak ah ningcang lo le dingfel  loin an tuanman nihlawh an pek komi hna mipi thi a dawp chapmi hna an um ti theih a simi hi lung a fak hrim ko. Mah i a hram zong cu Tangka duh tuk ruangah a si ko.

Ram thangcho hna ah cun Tangka an duh tuk ruangah sualnak hmanh kha sualnak ah a rel lomi an um i tangka an hmuhding a si cang ahcun tuah ngam lomi  a ngei lomi tiangin an um. Tangka an duh tuk ruangah lih an chim i an hrawkhrol.

Mi he an i si, an i vua i mi thil an fir. Tangka an duh tuk ruangah gangstar hna an lut i an fir. Tangka an duh tuk ruangah mithah tiang hmanh kha a ngamhmi an um i minung thah zong zei ah a rel lomi le a poi ah a chia ti lomi zong an um hna.

Cucaah Tangka duhnak cu hell ram lei panh pitu le that lonak phunkip chuahnak hram a si taktak ko ti kha….Pual nih Timote sinah voikhatnak  ca a kuatmi chungah “Tangka duhnak hi thatlonak phunkip chuahnak hram a si” a ti i, a vun peh rihmi cu “Tangka duhnak hi hrial hna”  tiin hrial dingin ca a kuat.

Cucaah tangka hi duh tuk hna hlah usih. Zeicatiah kan Baibal ah tangkaa duh tuk hlah u tiin HEBRU 13:5 ah “Tangka hi duh tuk hlah u, nan ngeihmi ah khan nan lung awi ko u. Zeicahtiah Pathian nih, “Kan kaltak bal hna lai lo i kan hlaw bal fawn hna lai lo,” tiin Pathian nih a ti.

Cun Phungthlukbia 23:5 ah

“Na tangka cu mitthep ah an lo kho ko, Thla kha i serh duak in mupi bangin an zuang kho ko” tiin kan hmun fawn. Tangka a duh tukmi kan si cun kan i za bal lai lo ti kha PHUNGCHIMTU 5:10 ah Tangka duhmi na si ahcun, zeitikhmanh ah kaa za cang na ti kho bal lai lo; rum a duhmi na si ahcun, na duhmi vialte kha cu na hmu kho bal lai lo. Pakpalawng a si ko. Bawipa nih Sunparnak co ko seh. Amen.

Lawmhnak he…,

Nancy Sung Iang

Click to comment

Leave a Reply

Your email address will not be published. Required fields are marked *

More in Religion

Facebook

Rel Bikmi

To Top