Connect with us

Pawngkam Hawi Sin Kan Tthut Dir Ah Cun Kan Zulh Awk Hrimhrim A Si Mi

midang

Education

Pawngkam Hawi Sin Kan Tthut Dir Ah Cun Kan Zulh Awk Hrimhrim A Si Mi

(1) Phone an tlaih lo ah cun voi (2) nak tam in call hna hlah, Na phone tlaih nak in a herh deuh mi thil a tuah lio bia a si, Chim na duhmi kha ca in hei kua ta ko.

(2) Phaisa na cawi ah cun a tlawm zong a tam zong ah cham tthan hrimhrim, Mi thil na hlan zong ah tthim fate a simi le cafung, cauk, nithawng tiang in pek tthan va philh hlah.

(3) Mi thil na hrawhhralh piak sual hna a si ah cun cu nak in a man niam lomi thil phunkhat va caw law ka ngaithiam tiah va chim, Mikar lak ah tenh va hmang hlah, Zun inn kal le mawttaw mawngh caan zong ah nangmah caan leng lonh in khuasak i tim hlah.

(4) Midang nih leh awk ah an i harh hnga dingmi bia hal va hmang hlah, Nan i um rih lai lo maw? Lahsa zeizat dah na hmuh tibantuk biahal hi nai sum awk a si.

(5) Midang a lut dingmi an um rih ah cun kutka kha on piak cia hna, Cu ve bang kutka na luh lio i an on piak tu an um ah cun a cung ah lawmh nak bia chim philh fawn hlah.

(6) Na hawikom he Taxi nan i cit i a man a liam ah cun a voi 2 nak ah nangmah nih va liam ve hrimhrim, Mi ramdang phunglam kha zeirel loin va um hlah.

(7) A herh tuk lo ah cun zan tlai hnu ah phone call hmang hlah, Nai capo nak cu midang nih an duh lo phun a si ah cun ngol colh ko, Cu bantuk nun zia cu hmailei zong ah va hmang hrimhrim hlah.

(8) An bochan tu minung cungah thil hmete kong tiang in lawmhnak bia chim philh hlah, Lawmh le thangtthat nak bia na chim tik zongah mi hmai ah va chim, Asinain mi pakhat cung i na hmuh ning na ruah ning cu amah sin lawng ah va chim phuang.

(8) Bia na chim tik i ka hmaikhah lo ruangah a ka ngaih piak mi a si ti na theih sin in ngol colh, Zeitin dah na theih ning a si lai ti ah cun bia an leh tik ah din tein an leh lai, A khua hawi mi zong hmundang ah a si lai i, Nangmah he aa hlat ngai mi a lo lai.

(10) Midang an thau an der kong ah i tlangtla hlah, Ka hawi nai rem tuk va ti ko, An thau le an der kong chim an duh ah cun an mah nih biahram an domh ko lai.

(11) Khual lamhla na kal hlan ah i kholh ttawl ta hmasa, Na pawngkam minung nih na cung ah lawmhnak bia an chim hrimhrim lai, A rim pin tukmi zihmui i kah hlah, Na hnar le mi hnar aa khat lo khah.

(12) Mi pakhat khat nih phone chung hmanthlak an piah tik ah an piahmi lawng va zoh ko, Hnu hmai thawn in a dang zoh len i tim hlah, Zeibantuk hmanthlak pawl dah a ngeih ti na theih kho dih lo.

(12) Na theihhngalh mi pakhat khat nih sii bawi kai zoh ter lai an ti ah cun zei zawtnak dah na ngeih tiah va hal hlah, Na tlamtling ko seh” timi bia lawng va chim, A sining cu amah nih chim a duh si ah cun chim seh law chim a duh theng lo ah cun hramhram in va hal hlah.

(13) Na kut tang minung na chawnhbiak hna tik ah nangmah cunglei i an in chawnhbiak ning dan khan va chawn bia hna, Mah nak niam deuhmi cung ah hruhru hranghrang in nai um ter cu upat awk a si lo, Thleiden nak ngei loin na um ah cun mipi nih an in theih khun lai.

(14) Mi pakhat khat nih an chawnh biak lio i phone lawng te na deh cawh ah cun mi hrut taktak na si ko hnga, Mi nih ruah nak an in hal lo ah cun nangmah nawl in ruannak va cheu hna hlah.

(15) Ceihhmai ding konglam ngeih caan ah aa tel ve lomi minung hmai ah ceih va hmang hlah, Air phone aa bunh mi cu va chawn len hna hlah, A poi mi thil a um a si ah cun phawi piak law va chim fawn.

(16) Mi pakhat nih ei awk (hmuamkhai) an in dangh i na duh phun a si lo ah cun, ka duh lo” kai lawm tiah lungthiang tein va chim colh, Na ei hnu i a thaw lo ti phun mithmai na ken a si ah cun an dang tu caah lung nuam lo a si lai.

(17) Mi pakhat nih a dam lo nak kong an chimh a si ah cun va ngeih piak ko, Nangmah dam lo nak kong kha sawh hmanh tuk in va chim hrimhrim hlah.

(18) Na theih hngalh mi pakhat cu a muisam a pungsan le a der/thau ning theihhngan tuk in aa thleng ko hnga, Asinain fak tuk in va soisel hlah, Nangmah nih na chim lo zongah a theihmi a si ko, Amah nih a ka a pua hmasa a si ah cun phundang, Nangmah kong a si lomi ah a tam nak in i tlangtla hlah.

(19) Midang cycle le mawttaw na hlan a si ah cun datsi na rawn piak hnu ah va pe tthan tawn, Mi nih ka cung ah tuah hna seh ti na duh bantuk khan midang cung zongah tuah khawh i zuam ve, Cu nun zia cu a hman mi lam a si.

(20) Minung tam nak hmun ah kuak va zu hlah, A bik in nau pawi lio le ngakchia pawng hrimhrim ah cun i sum ko, Cun nangmah um nak khan a si lomi paoh ah cun na luh hlan ah kutka va king hmasa tawn, Ngaihchih nak na hrial chung he aa khat mi thil a si.

(21) Midang nih an paw cawm nak ah an hmanmi fimthiam nak hna kha a lak in ttuan ter le fial i tim hlah, An caan le an ngeihchiah chawva an rak dihmi kha ruah piak hna.

Hmanthlak credit: Benjamin Sum hmanthlak hi cu kan uar caah kan rak tar chih mi asi

Click to comment

Leave a Reply

Your email address will not be published. Required fields are marked *

More in Education

Facebook

Rel Bikmi

Advertisement
To Top