Connect with us

PASAL THA TIMI HI ZEIBANTUK KHI DAH AN SI HNGA ?

nuva

Education

PASAL THA TIMI HI ZEIBANTUK KHI DAH AN SI HNGA ?

Pa pakhat nih aa dawh ngaimi nungak cu a tthit, An nu cu dawt ngaingai , A ngaichiat nak tuah lo dinghi aa zuam peng ti a si. Dawtnak le i theihthiam nak in chubgkhar nuam cu an dirh .A hmutu poh nih cu hna nupa hna cu tiin an thangtthat cio hna.

Nikhat cu a nupi kha zawtnak nih a tlak ii a vun cu duhsah tein an hung raang hna. Nikhat hnu nikhat a vun raan cu a zual deuh ii aa dawhnak cu a zor deuh chin lengmang. Cu ti i aa dawhnak a zor le a zawtnak a zual deuh chin lenmang mi cu an pa nih a hmuh tikah a dawt tuk mi an nu a ngaihchia lai ti phang caah a duhnak tuah piak le aa dawh nak chim piak lawng kha aa zuam.

Nikhat cu an pa cu chungkhar khuasak nak caah tiah khualtlawn ah aa thawh . An nu zong cu zohsawh awk a tthat lo caah thlopnak phaisa zong a hauh caah riantuan ahcun aa thawh. Cutin cun hlawtlinnak zeimawzat he an pa cu inn lei panh in a tlung. Lampi ah vanchiat nak cu ruahlo pi in a tong. An i cit mi motor cu aa let ii an pa cu a mit aa khawng i cutincun a mit khua a hmu ti lo.

An nu nih le damlei umlo in a zual chin, an pa nih le mit khuahmuh ti lo an pahnih in pum tlamtling loin ni le caan cu an hmang.An pum cu zorchuk ko hmanhseh law an i dawtnak cu nifate a thar peng. An pum tlamtlinlo nak nih an i dawtnak hi a feh ter chin lengmang.

An nu nih a kut in a hruaih i inn chung leng te an lutchuak tawn. Cuticun nile thla zeimawzat an hmantti hnu ah a fak bik mi thih ttiannak thlichia nih a den hna i an nu nih cun a dawt tukmi an pa cu vawlei ah amah lawng in a kaltak riangmang. An pa cu a dawttuk mi an nu nih a liamtak cu a lung a fak tuk, an umtti nak khau le inn i amah lawng umding zong hi a celh bak lo.

Cu caah an khua cun khuadang ah ka peem lai tiah khua a khang. Cu lio ah a hawi le nih cun “zeitindah na kal lai khua le na hmu fawn lo. Ahlan bantuk in hruaitu na ngei ti fawn lo a si kho lai lo i tthial hlah ko ” tiah an lem .Cu lio ah a timi hna cu, Ka mit hi a caw taktak lo , kaa cawt ter mi a si .

Kan nu a pum cung ii aa dawhnak a zor chin mi ka hmuh mi hi a hngalh ahcun a ngaihchia lai ii a lung azor tuk sual lai ka ti caah khua hmulo bantuk in kaa um termi a si. Aa nuamh mi mithmai te lawng hi hmuh ka duh , cucaah mah ti hin kaa tuahmi a si tiah a ti hna. “Vawlei ah can tawite kan nunchung ah hin NUAM tein kan um khawhnak hnga harnak le tlamtlinlo nak tete hi i philh ter le a theilo bang teun um hi a rak hau tawn ve”

Click to comment

Leave a Reply

Your email address will not be published.

More in Education

Facebook

Rel Bikmi

To Top