Connect with us

PASAL A NGEI DING MI FANU SIN AH HRINGTU NU BIA CAH

kafa

Education

PASAL A NGEI DING MI FANU SIN AH HRINGTU NU BIA CAH

[A ttha tuk mi ca par a si caah rak rel hrim hrim law Share khawh rak i zuam ve]

Ka fa.

A mah hi na duh ruangah na vah a si zongah nu le pa lung tlinmi a si ruang i na vat a si zong ah na caah chungkhar lu bik a si.Khat lei in chim ahcun naa bochan dingmi na siangpahrang a si.

Ka fa…..

Inn siangpahrang a si cang hnu cu amah kha na ttih zah lai i na upat lai. Dawtnak he na chawnh biak lai i amah zong nih an dawt lai i an zohkhenh ve lai.

Ka fa….

Vale tei(uk khawh) hi a ttha ko. A si nain nek tuk cu a ttha lo. Thil ttha lei ah uk khawh le tei cu a ttha ko. Nangmah nih na va na nek ahcun na fale zong nih an nek ve sual lai.Va a tei tuk mi chung khar cu zeitik hmanh ah an tthangcho bal lo.

Ka fa….

Ka va a ttha lo tiah vuivai hlah.Va ttha timi cu nupi le nih an hnulei in an theihlo te in sersiam le zohkhenh bu in a cang mi an si. Mi hnai ah a ningzah ding tuah hrimhrim hlah.

Ka fa…..

Pasal timi cu chungkhar min put in le chungkhar mithmai in a leng ah phaisa a kawlmi le khuasak nak caah a cawl cangmi an si. Cu caah mi hmai ah zeirel lo le ning hngal tuk le nek tuk in chawn bia hrimhrim hlah.

Ka fa….

A chungkhar a miphun sin na va phak tikah nangmah chungkhar cingla rualchan bantuk tein dawtnak he na zohkhenh hna lai ii na chawnhbiak hna lai. Thleidan nak lungput na ngei hrim hrim lai lo.

Ka fa…..

An sin na um tikah a nu le a pa kha nangmah na nu le na pa tak tak bantuk tein na dawt hna lai. Na upat hna lai ii na ttih zah hna lai. Na zohkhenh in na kilven hna lai.A unau kha na chuahpi unau bantuk in dawtnak he naihniam tein na chawnh biak hna lai.

Ka fa…..

Na pasal kha chungkhar pawcawmnak caah rethei ngai in aa zuam i rian hrang a ttuan lio ah nang zong nih inn lei ah a herh mi vialte na rian kha rak tlamtlinh khawh naa zuam ve lai.

Ka fa….

Inn chungkhar pakhat in bank khon nak ah” vale hi a rawn le a tthemh tu an si ii nupi le hi a lek ii a hmang tu an si ” ti a si. A tthemh tu si hi a fawi bak lo mi a si caah semrel tein le ningcang tein hman naa zuam lai.

Ka fa…..

” Fanu fapa ttha nu le pa lu “an ti bantuk in fale chimhrel le cawnpiak nak ah nu le cungah rian ngan pi aa hngat .Pa le cu a tlungkal mi an si caah fale he umtti caan a tlawm chimhrel caan an ngei tuk lo.

Ka fa…..

Ruahlo pi i bia nan i al i nan i sik sual tikah itthen ding ruahnak hi na mang hmaw zong in ruat sual hlah.Lak kar ah zei hngal lo fale tete caah fak pin khua na ruat lai.

Ka fa…..

Hmuh khawh lo mi hmailei khua caan kong ah na va a tthancho ah cun i nuam lawn, na va a tlam tlin lo i ahcun a harnak kha hrawm pi law tuar pi ve. Kih ah kih tti lum ah lum tti ti in nun nan i hrawm ahcun a dai i a nuam mi chungkhar cu nan mah ta a si ko lai.

Ka fanu chungkhar na dirhmi ah ” A nuammi chungkhar si hram ko uh… Mi van ttha si hram ko uh. ” tiah thlaza kan cam piak hna. kan cattial mi na lungtlin ve ahcun cawngia hmanthlak te khi hmeh piak khawh kan si, na duh ahcun. Kan i lawm

TIAL THARMI PAWL

Click to comment

Leave a Reply

Your email address will not be published.

More in Education

Facebook

Rel Bikmi

To Top