Connect with us

Par Thluai Hnem Athattu Pa Cu An Thlah Than Colh Caah Chin Mi Chungin Upadi Thiamsang Nih Tlangtlak khotu Kan Um Hnga Maw

par thluai hnem

Chin

Par Thluai Hnem Athattu Pa Cu An Thlah Than Colh Caah Chin Mi Chungin Upadi Thiamsang Nih Tlangtlak khotu Kan Um Hnga Maw

Kan Farnu  Par Thluai Hnem hi  kan hnu Sept 6 zaan suimilam 7:00 ahkhan a ruak in an va char ,  tleihhrem a ton hnu ah thah beh a tong tiah theih asi , Par Thluai Hnem i tleicia hringtu apa hi Ruan khua mi a si i a nu hi Hmai-khah khua mi asi  ahlan ah Hanthawaddy ah khuasa mi an sinain a tucu Gangaw peng , chuangkhuah khua ah a Pasal he khuasa mi an si fa zong pathum a ngeih cang tiah theih asi. A fale tete hi kum 1 kum 3 le kum 7 minung an asi hna.

Par Thluai Hnem hi kum 24 minung te lawng asi rih, mi caw cawngh in a hlawhfa nak hmun ah tubantuk in  tleihhrem a ton hnu ah thah beh a tonnak hi asi a nih hi ngaktah fate a si hringtu a nu hi kum 60 minung asi cang i  tta pakhat te a ngei nain aleephiat ( thahrizeng damlonak in aum ) mi harsa ngaingai an si tiah theih asi.

Hi kan nau ,kan fa Par Thluai Hnem a thattu tiah lunghrin mipa hi Hnamkha khuami a si i  kawl miphun asi a min ah Maung Maung Tun asi i patung asi a cang tiah theih asi. A Tleihhrem lio ahhin Par Thluai Hnem hi  rak  tlizam in rak auhram len sehlaw a dawh, a tleihhrem hmunhma hrawng ramh cu aa cil dih tiah theih asi.

Thah A Tong Mi Par Thluai Hnem Le A That Tu Pa Hi Aa Thei Bal Mi An Si Maw?

 Thah a tong mi Par Thluai Hnem hi a thi ning hi  a faak tuk hringhran. Minung thah in a that lo i a tlaihhrem, a hngawng a khiah hnu ah tiva ah a va hlonh rih ti asi. A thattu pa hi Par Thluai te sin ahhin khuaihliti a rak caw tawn mi a si i tangka pek lo in a baa in a laak  i tangka a pe duh bal hna lo .Cu caah bia an rak i el bal.

Cu hnu ah nikhat cu Par Thluai caw a cawngh nak ah a va ngiatthlai  cu lio ahhun mi pa pakhat nih a hmuh caah Par Thluai Hnem cu a luat nain a thaizing ahcun thah a tong colh ko .Hi pa nih hin thah duh ah a rak ngait len cang tiah theih a si.

Par Thluai Hnem An pa cu lo kalnak in a rak tlun hnu ah an nupi Par Thluai  Hnem cu  inn a rak tin ti lo caah a va kawlnak ah  a ruak cu tiva ah a va hmuh ,  khuami hna nih an va bawmh ve, a konglam ka hlet khawh tawk ah athattu pa hi an tlaih cang nain nikhat hrawng lawng hren asi hnu ah an thlah than colh  ti asi a ruang cu, tet-te tha mi um lo mithmuh in a hmutu an um lo cun a ruak hi nangmah nih nan lak hmasa caah phungning in a kal ning asi lo tiah an ti hna tiah ka thei. cu caah a thattu pa cu an thlah thannak hi asi.

Hi hlan zongah Datsii a zuar  mi nu sin ah mithat tiah lunghrin mi  Maung Muang Tun  nih hin datsii a rak cawk bal i tangka a pe duh lo datsii cu a lak peng fawn caah cu nu te nih cun datsii na lak peng tangka na ka pe fawn lo a ti caah tlakrawh in acumh i a thi cang tiah a kal taak hnu ah cu nute cu a rak nung tthan tiah theih.

Kan mah cio bang mi sifak mi harsa ngaingai mi an asi caah, upadi lei zong nih rianrang in dirkamh tu tha an herh, phaisa lei zong nih bawmhnak an herh timi kha hmuh khawh asi, cu caah sihni thiamsang chin mi chung in Vulunteer te in abawm kho tu kan um ahcun, phaisa lei zong a bawm kho tu kan um ah kan kut rak samh cio ve hna usih.

Note: Bawmh kan hal piak uh tiah an ka timi asi lo a konglam ka hlat hnu ah pumpak in a bawmh kho tu ramchung ramleng ah nan um hnga maw tiah ka ruah caah hika ahhin ka hung langhter chihnak hi asi, an konglam fiaang te in hlat duh ah an umnak um ve mi an khua ni Ang Te a phone number + 959440495108 ka call nain a off caah chawn khawh asi rih lo, phaisa lei in ramleng lei in bawmhchanh duh mi nan rak um ve ahcun  ahlan lio Par Thluai Hnem i Pastor simi Saymah Farpen phone number 09458581940 ah pumpak in amah sin ah direct in  pehtlaih khawh asi amah nih tuanvo arak lak lai .  A mah umnak khua ummi pehtlaih awk tha minung mi ka thei lo caah Pastor Farpen hi pehtlaihnak ah kan rak langhter mi asi.

Click to comment

Leave a Reply

Your email address will not be published.

More in Chin

Facebook

Rel Bikmi

To Top