Connect with us

Pa Pawl Nih An Ttih Bikmi Thil Phun (3) Na Thei Cang Maw

Pa pawl

Education

Pa Pawl Nih An Ttih Bikmi Thil Phun (3) Na Thei Cang Maw

(1) Cohlan lomi si hi an ttih/phang

Pa pakhat nih nu pakhat a duh dawt i a helh tik ah, keimah he kan i tlak kho lai lo cu ruangah kan duh kho lo ti cu an caah aa ning deuh rih, Cu a si lo i Sorry timi bia lawng an chim ah cun mi zeirel lo le mi nek ah an ruah cang.

Pa nih duh dawtnak kong an phuan mi hi fawi tuk in an phuanmi a si rua tiah ruat hlah, An thawpi an i chuah hnu ah an chim phuan mi a si, Pa an si ruangah cohlan lo khirh an simi hi an zeihmanh a poi lai lo tiah ruat fawn hlah, Nu nih an el hna caan ah hin an ningzah mi nak in an lung zor mi a fak deuh tawn.

(2) Lungrawh hnga an phang i an ttih

Pa pawl hi nu nak in an ttuanvo a ngan deuh tawn, Chungkhar kharkhat ah nu bik nih phaisa a chuahpi khawh lo ah cun aho hmanh nih sual phawt an si lo, Asinain chungkhar pa bik nih phaisa chuahpi kho hlah siseh law pawngkam minung nih cun santlai lo pa tiah a phun phun in an ceihphai hrimhrim lai.

Pa pawl hi chungkhar zong ttha tein an runven an humhhak lengah phaisa zong an kawl rih an dirhmun zoh tik ah ruahnak nak in a har deuh mi a si, Cu ruangah pa sining law a ttha hnga timi bia hi chim hrimhrim hlah a fawi in a fawi lo.

(3) Nuamh tthan ti hnga lo an ttih/phang

Pa pawl hi hnahnawh lurit buaibai an celh lo caah thinlung nuamh hnga lo hi an ttih tuk, Ka chim rih lai an thluak rian a ttuan khawh ti lo bia a si tiin nan ruah hna zongah lurit hnahnawh hi cu a celh bak in an celh lo ko, Inn i an i nuamh lo ah cun hawikom sinah maw a si lo ah hmunkhat khat paoh ah nuamh nak an kawl ttheo tawn.

Cu ruangah nu pawl zong nih theihthiam an hauh caan a um, Nu na si ruangah nangmah lawngte nih tei le hmuh duh hlah, Amah lei a palh caan zong ah kan ing kho ti lo timi bia chim nak in thil sining kha ttha tein chim law ka rak theihmi pa hi mi tthalo a si ka hngal bal lo tiin a nun remh tthan nak ding ah caan va pe tthan.

Po Mo Htoo Aung

Click to comment

Leave a Reply

Your email address will not be published.

More in Education

Facebook

Rel Bikmi

To Top