Connect with us

PA NIH CHIM AH CUN “THAWNG PAANG” NU NIH CHIM AH CUN “KONG CEIH”

kong ceih

Education

PA NIH CHIM AH CUN “THAWNG PAANG” NU NIH CHIM AH CUN “KONG CEIH”

Mah bia te hi a hman tuk ka ti nang zeitun dah na ruah ve?

“Holh” timi cu chiat nak, tthat nak, ruah nak, hmuh ning, le in tuar nak vialte i hrawm khawh nak ding caah a herh tuk mi rian pakhat a si.

A ngai ngai ti ahcun nu pawl zong hi an ngakchiat lio te in an hmuh ning, an ruah ning, le an chim duh mi vialte dawnkhan tu um lo in chimrel nak nawl an rak ngei ve ko. Minung tam deuh nih mah hi, ”mi kong ceih, mi thang a chiat” tiah fawi tein min pek a si tawn.

Mah caah cun nu tam nawn tein bianuam an i ruah ahcun mi nih mi kong ceih tiah ruah a si colh leng mang. A ngai ti ahcun mah hi mi kong ceih a si dih lem ve lo, an caah a herh mi an i ceih zong a si kho ko. Mah bia pawl hi pa pawl nih an hei chim ve a si ahcun thawng i thanh/hal an hei ti.

Hlan lio pupa hna nih cun nu cu innchungkhar kilven ding lawngah ruah a si caah chungkhar kong le hawi le kong dah ti lo cu chim awk ngei lo ah an rak ruah. Mah bantuk ruah nak ruangah ”pawngkam he i chawnh biak nak hi mi kong ceih nak in nu pawl nih an dirh” ti ruahnak a chuah pi.

Kong ceih nak nih hin pakhat le pakhat kar i a um mi pehtlaih nak a fehter ii, pakhat le pakhat kong i theih deuh a si. Rian tuan dinh caan ii mikong ceih nak nih hin thin lung a rit mi a zan ter deuh khawh. Ma cah cun mi kong ceih hi a tha mi rian a si ti hmenh ti khawh a si.(note: khat lei fahnak, ningzah nak, harnak a pek lo ahcun)

Kanpawngkam ah papi a si ko nain mi kong ceih a hmang mi an um ve. Kong ceih cio cio hmanh ah pa nih kong ceih hi ceih mi caah( a ingtu) a fak khun, a bik in nu te a si ah cun.A sinain minung hi an poi pah ko, nu pawl a thlithup te in bia an i ruah ah cun ”mi kong an i ceih” tiah an ruah hna, pa tu cu ”ral rin nak an i pe” tiah an ruah hna. Mah cah cun pa nih chim ah cun “thawng paang,” nu nih chim ah cun “kong ceih” tiah kawl nih phung thluk an ngeih .

Reff : Gandawin.net

Click to comment

Leave a Reply

Your email address will not be published.

More in Education

Facebook

Rel Bikmi

To Top