Connect with us

Nuva Karlak Ah Duhnak Lawng In Atling Lo Herh Mi Theih Piak Ahau

nahchuah

Education

Nuva Karlak Ah Duhnak Lawng In Atling Lo Herh Mi Theih Piak Ahau

Nikhat ah nu va tuahkhat an um i, an nu nih an pa cu kan pa ka sam a sau ngai cang i sam ttemnak pakhat in ka cawk piak ve tiah a hei ti, A pasal nih ka dawt kan nih cu nikhat kawl nikhat ei pei kan si cu ka suimilam zong hi zoh hmanh a hri a tthat lo ruangah ka baan ah khih loin ka zal chung ah ka kin i ka zoh tawn tiah a hei leh.

Asinain mipa nih cun rian in a ttin pah ah khua a ruat i ka suimilam hi ka zuar lai i ka dawtmi ka nupi cu sam ttemnak ka cawk piak lai tiah a ti, dawr ah a suimilam cu a mah le a man rup tein a zuar hnu ah an nu caah sam ttemnak cu a cawk piak, mipa cu kan nu aa lawm tuk lai tiin lunglawm le thanuam ngai in inn ah cun a ttin, Asinain a khuaruah ning in a rak si ti lo, An nu cu a sam tawi tein aa rak tan diam cang.

Minu nih a pasal cu kan pa ka sam kaa tan i ka zuar ka hmuhmi tangka in suimilam pakhat kan cawk piak tiah a hun ti tik ah mipa nih a nupi cu a kuh i a ttap thluahmah, cun an nu cu hi tin a hei ti, Kan nu ka suimilam a chiahru te kha ka zuar i sam ttemnak pakhat an cawk piak tiah a ti.

An nih nupa hi hawi bantuk in suingun chawva tangka an ngei lo nain, pakhat le khat an i daw an i theithiam tuk, Duh dawtnak timi cu duh nak pakhat lawng in a tlingmi a si lo, nupi le nih pasal le herhmi theih piak a biapit bantuk in pasal le zong nih nupi le herhmi theih piak a hau ve, Cu leng ah pakhat le khat cung ah titsa ngeih zong a herh, Cu lawng ah a nuammi chungkhar le zohchuntlak chungkhar ah a cang lai.

Click to comment

Leave a Reply

Your email address will not be published.

More in Education

Facebook

Rel Bikmi

To Top