Connect with us

Nupi Le Caah Pasal Ttha (A Fimmi) Le Pasal Tthalo (A Hrutmi) An I Dan Nak

nupi le nupi chia

Education

Nupi Le Caah Pasal Ttha (A Fimmi) Le Pasal Tthalo (A Hrutmi) An I Dan Nak

(1) A hrutmi pa nih cun a nupi cu zeitin dah ka tei khawh lai timi khua lawng a ruat, Asinain a fimmi pa nih cun a nupi cu ruahthiam nak he a duhnak a zulh peng.

(2) A hrutmi pa nih cun a nupi chambaunak a hmuh fa te a lung a dong a tawn, Asinain a fimmi pa nih cun a nupi a tthatnak a thil ti khawhnak te kha a kawl i a thangtthat tawn.

(3) A hrutmi pa nih cun khuacaan zoh loin le hmunhma zoh loin a nupi cu bia a el peng i, A nupi cu hmaichia in a um ter tawn, Asinain a fimmi pa nih cun mi hmai ah a nupi cu a mithmai a ceu ter, Sik awk in a um zongah an mah lawng an um lio caan ah a chimhhrin ko.

(4) A hrutmi pa nih cun a hawi le nih capo in nupi ttih pa tiah an timi a in khawh lo caah, A nupi cu nek le tei khawh aa zuam, Har a ka ingmi le fawi caan ah a ka lawmhpi tu hi ka nupi a si ti a philh diam, Asinain a fimmi pa nih cun a hawi le nih capo nak in nupi ttih pa an ti zongah a nupi cu a dawt peng i a zitmuai peng ko, Ka har caan le ka fawi caan zongah ka kiang ah a ummi cu ka nupi lawng a si ti kha fiang tuk in a theih.

(5) A hrutmi pa nih cun hlan lio i an nu palh nak sualnak kha hma coih bang in a coih i a thar in a phawh tthan lengmang, Asinain a fimmi pa nih cun a nupi he nuam tein khuasak tti khawh nak khua lawng a khang zungzal.

(6) A hrutmi pa nih cun a nupi voikhat te a palh nak kha aa tlaih peng i, Teinak neknak ah a hman caam cin, Asinain a fimmi pa nih cun a nupi sualnak palhnak hna cu a ngaihthiam i dawtnak in remh le tharchuah tthan ding in aa zuam peng.

(7) A hrutmi pa nih cun” kal nangmah na kal lo ah cun keimah ka kal lai tiah a nupi cu a ti peng, Asinain a fimmi pa nih cun kannu zeibantuk thil hmanh tlung seh zeitik hmanh ah kan i tthen lai lo mu tiah a chim zungzul.

(8) A hrutmi pa nih cun an nu cu pa dang he a zoh chih ruangah a ven in a ven tawn, Asinain a fimmi pa nih cun a nupi cu a zumh i dawtnak in a tuam hlawm tawn.

(9) A hrutmi pa nih cun amah fimthiam nak lawng kha a za ah a ruat i biapi ah a chiah tawn, Asinain a fimmi pa nih cun a nupi sinin a theih bal lomi le a hngalh bal lomi hna cu hngalh le theih thiam khawh aa zuam zungzal.

(10) A hrutmi pa cu an nu nih a pawngkam i a um hnawh tuk ah ka baa ka thaw pit tiah an nu cu a tthawl in a tthawl, Asinain a fimmi pa nih cun an nu he an tlawnlen tti le an tthut um tti kha aa lunghmuih bik i aa uanthar bik tawn.

(11) A hrutmi pa nih cun phaisa lawng a kawl i a nupi dawt le zitmuai hna cu a hlei in tuahmi thil ah a ruat, Asinain a fimmi pa nih cun phaisa zong a kawl lengah a nupi cu a dawt i lungnuam tein a chiah.

(12) A hrutmi pa nih cun a nupi cu thinphan thlalau lungretheih nak lawngte a pek tawn, Asinain a fimmi pa nih cun lungtho thanuam tein a nupi cu nuamhnak lawngte a pek.

(13) A hurtmi pa nih cun nu dang aa duh ruangah an nu cu a mitthli a tlak ter, Asinain a fimmi pa nih cun teinak le hlawhtlinnak a hmuh lengah chungkhar nuam a ser i an nu cu mithmai panh tein a um ter peng.

Click to comment

Leave a Reply

Your email address will not be published.

More in Education

Facebook

Rel Bikmi

To Top