Nupi Hrut Le Nupi Fim

Nupi hrut nihcun a va bia kha zei a rel lo lengah a el peng i a va lucung ah kai a tim.

Nupi fim nihcun a va kha zeitindah ka bawmh khawh lai ti kha a zuam zungzal .

Nupi hrut nihcun a va a santlaihlo nak lawng kha a kawl i a thintawi peng.

Nupi fim nihcun a va santlaih nak lawng kha a zoh i a nuam peng

Nupi hrut cu, umnak hmunhma thleidang thiamlo in a va he bia a el peng i, a si kho peng. A va cu mizapi hmaiah a hmai a bit ter.

Nupi fim nihcun mizapi hmaiah a va cu, a mithmai a nganter i a nuamhter. Chimhhrin ding a um si ahcun anmah pahnih lawng an um lio caan ah tthate in chimhhrin khawh a zuam.

Nupi hrut nihcun a va hmaikha um-nang a thuh peng, a va hmai um-nang a thuh tikah a mah le mah zong ka thuh ve ti kha a thei lo.

Nupi fim nihcun a va upat khawh a zuam, a ruang cu va upatzia a tthatdan kha a fiang tuk caah si

Nupi hrut nihcun a luancia caan mi a va tuahser mi pawl cung ahkhan sual a kawl peng.

Nupi fim nihcun a va chanbaunak kha bawmh khawh a zuam i, a dawh ngaimi chungkhar kha a serpi khawh a zuam.

Nupi hrut nihcun a va palhnak a tlaihkhawh tawn tikah, va le ziaza a theituk mi ah aa ruat

Nupi fim nihcun a va palhnak kha a ngeihthiam, a philhpiak i, a va cu zeitik hmanh ah  mawhchiat lo i ngakchia bantuk in a hmuh.

Nupi hrut nihcun ” nangmah pa hi kal” tiah a hro

Nupi fim nih cun ” ka pawng teah ka um pipeng law ka kaltak hlah mu tiah a ti.

Nupi hrut nihcun a va cu fei(arrow) pakhat bantuk in a faak, a rengh peng. A  rengh deuh deuh tikah lam hlat ah a phan deuhdeuh ti kha a fiang lo.

Nupi fim nihcun a va cu thli bantuk in a thlah i,thadam ngai le zaang damngai in a tlaih khawh.

Nupi hrut nihcun a va pawng rumro ah a um i, a herh lo ah a tlangtlak peng i, hnahnawnnak vairang zat he a thut hnawh.

Nupi fim nihcun a va herhning in,a va pawngkam ah a um i, thil sining hoih in umtu le zohzia a thiam.

Nupi hrut nihcun a mitthli lak ah,a va cu a tlak ter

Nupi fim nihcun a mit hmaipanh nak nih, a va cu a min a tthat ter