Connect with us

Nu le Pa Kan Fale Nak in Phone Kan Duhdeuh Sual Maw

nulepa

Education

Nu le Pa Kan Fale Nak in Phone Kan Duhdeuh Sual Maw

PHONE : Sianginn Sayamah muidawh mitha nu te cu zanriah an ei dih le cangka in siangngakchia hna an homework te kha a zoh zungzal. An pa tu cu zanriah ei dih le cangka tein a nupi Sayamah pawng ah a thu i, Handphone chungah a ummi games pawl kha heh tiah aa celh zungzal. Sayamah nu nih a hnu bik siangngakchia homework a zoh a check lio ah a hmaisen cungah a mitthli a hung luang thluahmah ai.

Ava pa nih a hmuh colh ve.

A vapa: Kan nu zeiruangah dah na tah tiah awthang nawn in a hei i mer hnawh i a hun hal.

A nupi: Nizan ah ka siangngakchia hna kha “Keimah ka lung duh” timi tial awk caah ka fial hna.

A vapa: Ee cu ruangah ah nangmah cu zeicahdah na tah?

A nupi: A hnu bik homework ka check ka rel i ka tah lung a chuak i a si ko ee kan pa aw.

A vapa: Zeidah a tial hna?

A nupi: A tialmi pawl hi ka rak rel lai, rak ngai hmanh kan pa!

Siangngakchia pa te nih a tialmi cu:

“Kei cu phone pakhat te khi hei si ning law ka duh. Ka nu le ka pa hna cu an phone hi an duh tuk. An phone lawnglawng kha tha tein an zohkhenh hna pinah an phone an duh tuk hna ruangah kei an fapa hmanh hi an ka zohkhenh kho ti lo.

Ka pa cu zung a kai nak in a rak tin le cangka, a baa tuk nain a phone cu caan a pek khawh thiamthiam. Kei a fapa ka caah cun caan a ngei kho lo. Ka nu le ka pa cu rian a biapi tukmi an tuan lio zong ah an phone a awn ahcun a rang khawh chung in an zuan hnawh i an tlaih colh.

Sihmanhsehlaw, ka nu le ka pa cu rian pipa an tuan cuahmah lioah kei an fapa hna ka tah len zongah an phone bantukin an ka zoh khenh men lai lo. An nih cu phone in heh tiah lente an i celh. Keimah he cun lentecelh zong an hmang lo. An nih cu midang he phone in bia an ruah lio ahcun kei an fapa ka biachimmi cu zei hmanh ah an rel lo. Cucaah phone pakhat te si ka hei duhnak cu a si.”

Cu catialmi te cu an pa nih a theih tikah a ngaih a chia tuk hringhran I, an nu cu cu ca te cu a honih dah a tial tiah a hun hal. An nu nih cun “Kan fapa nih a tialmi” a si tiah a hun leh. Chan ti luan thilri hna hi a tha tuk. Asinain chungkhar pehtlaihnak fawinak caah hman ding a si I chungkhar karlak ah caan I pek lonak ti bantuk ah kan hman ahcun ruat a hau ngai hnga. Ngakchia le bang cu nu le pa nih zohkhenh, lentecelhpi an hau. Fanu fapa nak in Phone hna caan tampi na pe deuh sual maw

(WC: S Manikandan – True Humanist, lettu္- Jessica Mozart., lettertu- Wai Phyo Thant) Kawl in tialmi kha Lai in a relrem ning in ka hei let vemi asi).

Saya Thawng za pum

Click to comment

Leave a Reply

Your email address will not be published.

More in Education

Facebook

Rel Bikmi

To Top