Connect with us

Nu Kan Sining Nan Theih Lo !

nu timi cu

Education

Nu Kan Sining Nan Theih Lo !

Nu timi cu” Zeitluk hmanh in suingun chawva kawl tthawng hmanh hna sehlaw a baat cang hnu ah cun a hmsabik ah a tlangval, A pasal ttang le baan ah i dinh a duhmi an si.

Nu timi hna cu” A mah kut ke te bak in cawlcang kho dir kho hmanh sehlaw” A duhdawt mi a tlangval, a pasal hmai ah cun ngakchia bantuk in i hnohhnar a duhmi an si.

Nu timi hna cu” Zeitluk hmanh in fimthiamnak sang phan hna hmanh sehlaw” A duhdawt mi a tlangval, A pasal hmai ah cun zeihmanh a thiam lo bantuk in i um ter i bochan hngatchan a duhmi an si.

Nu timi hna cu” Zeitluk hmanh in i dawh ko hna hmanh seh law” A tlangval a pasal hmai ah cun dawh chin a duh khunmi an si.

Nu timi hna cu” Zeitluk hmanh in chambaunak ngei lo in um hmanh seh” A tlangval a pasal a pawng i a um tluk cun a caah a tlamtling mi thil zeihmanh a um lo.

Nu timi hna cu” Zeitluk in thil ttha a duhmi an si ko zong ah a duhdawt mi a tlangval a pasal he cawithlai chun ah cun zeihmanh nih a tei kho hlei lo.

nu timi cu

nu timi cu

Nu timi hna cu” A tlangval a pasal sin in an duhdawtnak a si ah a zei paoh tlamtling cikcek in a tinco ko zong ah, A kenret a um hnga maw tiin duhdawt nak ah a hakkau mi an si.

Nu timi hna cu” A tlangval a pasal he bia an i ruah i amah kong an ceih cuahmah lio i midang min aa tel sual hmanh ah nahchuah a hmang mi an si hna.

Nu timi hna cu” Zeitluk hmanh in lungvar mansung suingun chawva tampi ngei ko hmanhseh a tlangval a pasal nih khaicek pakhat te a dangh mi kha lungvar mansung a ngeihmi nak in man ngei ah a chia deuh mi an si.

Nu timi hna cu” A tlangval a pasal nih nangmah lawng kan duhdawtmi na si a ti ko zongah, Vawlei cung ah nangmah leng in ahohmanh ka duhdawtmi an um lo timi bia theng theih a duh nolh tthan mi an si.

Nu timi hna cu” Zeitluk hmanh in a thinlung puitling nutling a si ko zongah, Ka tlangval ka pasal nih ka hlem in ka lem seh ti duh ah bia el hramhram in thinlinh ter a hmangmi an si hna.

Nu timi hna cu” Lenglang zohnak in a thinlung hak ngai tiah ruah mi hna hmanh khi, A caan ah cun midang nak in a thinlung a nem ttheo tawn.

A taktak a ngaingai ti ah cun nu timi hna cu” A duhdawt mi a tlangval a pasal sin ah cun” duhdawt a thiam” Aa hnekhnuai” A ungtuang” A sual” Aa hnohhnar” Hlemh lem a duh” Dawh a duh” Nahchuah a hmang” A tuar tawn” A hakkau fawn hi kong hi ttha tein na theih lo ah cun nu pakhat duh dawt ding in vai i timh hlah.

Click to comment

Leave a Reply

Your email address will not be published.

More in Education

Facebook

Rel Bikmi

To Top