Connect with us

Nu Dang Pa Dang Naa Duh Hnik Ah Cun Hi Ca Hi Rak Rel Ve

nudang padang

Education

Nu Dang Pa Dang Naa Duh Hnik Ah Cun Hi Ca Hi Rak Rel Ve

Nupi cung in nu dang i duh le va cung in padang i duh timi hi ruah a hau ngaingai mi a si. Nihin tiangah nudang aa duh mi le padang aa duh mi minung a nupi pasal cungin a mit a par mi hna cu zeitikchan hmanhah an lam a tluang kho bal lo i an chungkhar a dam bal lo.

Inn chungkhar pakhat ah chungkhar dam hi a biapi tuk mi a si caah nang zong a thli tein na mit a par hnik ahcun mah hi ttha tein rak i cin ken ve. Hi bantuk a chuahnak hi na thinlung a si i na thinlung na tei kho lo ti a fiang . Mah caah cun na thinlung kha thildang khuaruahnak ah thlen na hau.

Cun a tu na nupi pasal a sining le a tu na duh hnik mi a si ning kha cuaithlai . An sining ah a tu na nupi pasal kha a ttha deuh peng lai. Nupi ngei buu in le va ngei thei ko buin an duh mi kha cu a cuai a zang peng ko lai.

Chikhat te lawng an panh hnawh mi mithmai cungah khan na lung va chia hlah.Nan i umh tak tak tikah a sining a lang dih lai i a tu na nupi pasal nak in tampiin a cei deuh mi a si lai.Caan saupi na pawng te ah a um pengmi na nupi pasal kha i thim tthan ko.

A phun phun in an lem ko lai.A ruang cu a ka duh ti an theih caah a si.A sinain a milem thiamnak cu na caah zarhkhat hnih lawng a nguh mi le i ngaih chihnak nih a hun zulh mi mithmai panh nak le lemsoi nak a si lai.Nupi dang va dang aa duhmi nu le pa cu zeitik hmanh an i ngaih chih lo ti a umbal lo.

 Fa le rawhralhnak zong a si .Nu le pa i tthen ruangah fa le nun a rawk dih i an sining zong a niam ter .Nang mah zong naaa nuam lo ,na kal taak mi zong a lungkuai leng ah ,fa le zong vai vuanh dih a si. Cu tluk a sungmi cu vawlei  ah zeidah um ti.

Click to comment

Leave a Reply

Your email address will not be published.

More in Education

Facebook

Rel Bikmi

To Top