No Tuk Lio Va Ngeih A Tthat Lonak Phun 6

Minung hi cu mah lawngum ding kan si lo i nu nih va ngeih le pa nih nupi tthit cu vawlei cung phung a si ko.Nain kan va ngeih caan le nupi tthit caan hi a rak biapi tuk mi a si. Micheu khat hna cu kum kul tlinhlan hna ah le kum 15  hna ah va a ngei mi an um .Kum no tuk i va ngeih a tthat lo nak phun 6 in kan rak langh ter.

– Nau inn lei ah raal a um kho. Kum 15  te hna le 16 te hna ah va a ngei mi khi mitampi cu nauinn cancer a si lo hmanhah nau inn lei tem tuar nak  anngei kho peng .Cu caah an nau inn caan sau a dam kho lo.

–Khuasak an ruat kho lo. Inn chungkhar khuasak nak caah tiin khualu khua taw khak tein nun an thiam kho rih lo.

– An lungre theih a tam. An i um kaa ah cun rawl ei lo in an um zongah an i nuam ko lai nain a caan a vun rauh deuh ah cun harnak an vun thei i an lungre theih nak thil a hung tam .

–Zeihmanh ready an si lo. Sianginn kai dingmi kum an si rih caah tangka i khon mi le rian tlaih mi reprai an ngeih lo caah an paw cawmnak caah rian tlaih mi an ngei kho lo.Ready in um cia a biapi.

-An lung a har kho lo. Harnak le buainak an ton sual ah cun an lung a hriam lo i an pah kho lo an tuar kho lo.

– Buainak an ton tikah a chuahnak lam an kawl kho lo.Hi hi cu hitihin kan pah lai tiin ruahnak an ngei kho rih lo i buainak hme te an ton zongah  an caah cun a ngan tuk ah an ruah . Cu caah kum no tuk i va ngeih hna le nupi tthit hna hi cu a rak ttha lo hrim hrim.Kum no tuk i chungkhar dirh cu i raalrin cio ah a ttha.