Nizaan Hakha Ah Inn A Kang, Minung Pathum Nunak Aliam

Nizaan deilei suimilam 1:30  hrawng ahkhan  Hakha lamton Dawrthar sang  ah innhnih mei nih a kangh Wai Han Nu te inn (Pale store)  le Pi Ui Cer te inn an si hna tiah thawngpang theih asi,  Inn kangh hi Pi Ui Cer te in athok mi asi tiah theih asi, Pi ui Cer le a fanu Van Bawi Zi  cu mei kanghnak in an nunnak a liam.

Van Bawi Zi hi kum 80 leng asi cang mi hringtu a nu a khamhnak ah a nunak a liam tiah theih asi, cun Wai Han Nu inn ummi Tarnu pakhat zong hi mei kangh lio ah a leng ah  rak chuak cang ko nain innchung ah a lut tthan i a nun a liam ve tiah theih asi, Meikanghnak cu a faktuk caah inn an ciam dih. Zeitindah Mei kanghnak  hi a thok ti cu theih asi rih lo.

Pi Ui Cer le afanu Van Bawi Zi ruak humnak cu a tuzaan lei suimilam 3:00 ahkhan Titalam sang Pu Tum Cung inn ah tuah asi lai, taantak mi chungkhar hna meikangh nak in ngeichianak a tong mi chungkhar hna caah thlacamnak in bawm cio hna usih.