Connect with us

Ngakchia Pa Biahalnak” Kapu Pathian Na Hmu Kho Maw?

Pathian

Religion

Ngakchia Pa Biahalnak” Kapu Pathian Na Hmu Kho Maw?

Ngakchia pa pakhat nih hnahnok ngai in rian a ttuan mi a unu pawng ah kal in” Ka uu Pathian hi a hmumi an um maw tiah a hal” An um lo Pathian cu a sannak vancung ah a ummi a si i aho nih dah a hmuh khawh lai tiah ngakchia pa cu a unu nih a len.

Cu ti cun ni le thla an liam nain” Ngakchia pa nih theih a duhmi a phi a theih khawh lo caah, A thinlung chung ah a caam peng, theih a duhnak thinlung nih a tei tuk caah, Nikhat cu hringtu a nu a hal tthan” Kanu Pathian hi na hmu kho maw? Hringtu nu nih ka hmu kho lo kafa Pathian cu hmuh khawh lomi thiangthlarau in nangmah le keimah thinlung chungah a um i, hmuh khawh a si lo tiah bia nemtein a leh.

Tlawmpal cu a nu bialeh mi ruangah ngakchia pa cu a lung aa hmuih deuh, Asinain zakhat ah zakhat a lung si rih hlei lo, nikhat cu a ttihzah a upat ngaimi a putar he tidil ah nga tlaih dingin ti lawng in an kal, Nuam taktak in chunnitlak nga an tlai, Zanlei sang ah nika pi cu vawlei cheu ca i rian tlai ding in a hung liam thluahmah ve.

A putar nih sio fung cu a fim i, a liam thluahmah mi nika cu hnangam ngai in le dai tein a zoh ko, Ngakchia pa nih a putar mithmai a zoh tik ah, Aa nuam tuk ve i, Zeihmanh hnahnawhnak ngei lo bantuk in lungdai hnangam taktak in a um ve, Cun tlawmpal a ruah ah theih a duh tuk mi thil a theih khawh lomi kha a putar cu a hal tthan.

Kapu” thil pakhat hal kan duh a mikip paoh ka hal mi cu a si lo, na theih ahcun rak ka chim ko sawh theih ka duh tuk hringhran ee” Pathian hi na hmu kho maw cun a hmumi tah an um bal maw? Putar nih ngakchia pa biahalnak cu let colh loin a liam cuahmah mi nika cu a zoh i a donghnak ah a tupa biahalnak cu a leh.

Ka tupa” tiin duhsah huamsam nemtein” Ka hmuh Pathian cu ka hmuh tuk ta, zeihmanh hmu kho lo tiangin Pathian cu ka hmuh ee tiah a leh, Midang sual palhnak hmu kho lo tiangin Pathian cu ka hmuh, Sifah harnak nih tei kho lo tiangin Pathian cu ka hmuh, Ngaihchiat nak lungretheih nak nih tei kho lo tiangin Pathian cu ka hmuh, Vawlei cung suingun chawva hna mit-thit nak ngei kho lo tiangin Pathian cu ka hmuh, Midang palhnak chambaunak hmu kho lo tiang in Pathian cu ka hmuh.

Pathian dawtnak ” Ngaihthiam nak”  Avel” in thil vialte hi fiang tuk in ka hmuh, Pathian dawtnak vel le zaangfahnak hi a tingco tlak lo fihnung misual ka si hi keimah tein kaa hmu fiang” Hi thil hi ka hmuhfian hna ruangah zeihmanh hmu kho loin Pathian lawng hi ka hmuhmi a si e tiah a leh. Pathian kutnehdawh sermi Sermi thilning khuaruahhar thil hna kan pawngkam ah kan hmuh kan theih mi hi Pathian kan hmuh hi asi ko tikhi a sawh duh bik mi asi.

Nangtah Pathian na hmu kho ve maw?

Job 42:5 “Hna theihnak lawngin nangmah cu ka rak in theih, Sihmanhsehlaw atu cu ka mit in kan hmuh cang; “

Click to comment

Leave a Reply

Your email address will not be published. Required fields are marked *

More in Religion

Facebook

Rel Bikmi

To Top