Connect with us

Ngakchia Nunnak Tan 2 Leng Bak Akham Tu Tarpa

James

World

Ngakchia Nunnak Tan 2 Leng Bak Akham Tu Tarpa

Australia ram ah kum 81 asi cang mi tarpar James Harrison hi a luancia mi kum 60 chung vialte hi zarhfatin te a tuah piak peng mi rian pakhat a um, mah cu zeidah asi tiah ahcun Australia ram i thihlutnak  Australian Red Cross Blood Service ahhin thi a va hlu peng .

James a thi ahhin zapi nih ngeih lo mi khuaruahhar thil pakhat aum, a thi hi thiamsang pawl nih a check tik ah Anti-D timi si-ai phunkhat sernak caah hman khawh mi thi asi. Mah si cu naupawi mi pawl nih an ngeih mi Rhesus Disease timi zawt thlopbulnak ah an hman,  Asinain Rhesus Disease timi zawtnak hi a har ngai mi asi minung tlawm te lawng nih an ngei tawn mi asi. Mah zawtnak cu naute a thluak caah tihnung mi a si a chuah tik ah thluak tlamtlinglo in an chuak i a thih zong an thi kho ti asi.

James hi kum 14 a rak si lio ah thi arak hlut , kum tlawmpal a rauh hnu ah a ngandamnak a check hnu ah a thi hi Anti-D timi si phunkhat sernak ding caah hman khawh asi kha an hmuh. Australia ramchung vialte ahhin Anti-D timi si-ai sernak ding caah thi a ngei mi cu 50% lawng an um tiah theih asi.

Australia ram ahhin naupawi mi nu pawl 17% nih hin Rhesus Disease timi zawtnak hi an temtuar , james  thihlut mi nih cun  cu zawtnak cu a kham piak khawh hna ti asi. Red Cross riantuannak phu cazin ning ah vawleicung ngakchia taan 2.4 lengkai bak hi a nunnak a kham cang hna  tiah theih asi.

Australia ram ah asangbik mi upat awktlak paraltha laksawng an pek cun vawleicung ramkip nih upatnak roca tampi an rak pek cio ve tiah theih asi. Kum 81 tlin hnu cun thihlut a ngah ti lo tiah Australia cozah nih an ti caah James cu kan hnu zarh kha a donghnak bik thihlutnak atuah asi tiah theih asi.

Click to comment

Leave a Reply

Your email address will not be published.

More in World

Facebook

Rel Bikmi

To Top