Connect with us

Ngakchia Nih A Tanglei Bantuk Ziaza Tthalo An Ngeih Ah Cun Hloh Piak Ding Hrim Hrim An Si

ngakchia

Education

Ngakchia Nih A Tanglei Bantuk Ziaza Tthalo An Ngeih Ah Cun Hloh Piak Ding Hrim Hrim An Si

(1) Bochan hman” Thluak hman duh lo thil hmesem tiang in nu le pa bawmh hal an hman ah cun an upat tik zong ah zeikong paoh ah an mah nak upa deuh cu an i bochan zungzal hna lai i, Buainak harnak hmete zong an mah tein tawlrel ding an i tim lai lo, Cun thluak hman ding an zuam fawn lai lo.

Nu le pa aa bochan tukmi fale cu an lung nunau an ruahnak a tlawm, Ruahnak cheuh kan duhmi hna cu kan fale nih nifa te an tuahmi thil ah nu le pa nih kan tuahpi peng ding an si lo. Abiana ah na fa cu amah tein rawl va ei ter” A einak kheng zong amah tein ttawl ter law kin ter” Cun bia tampi i va hal lengmang” Khua tampi a ruah khawh nak hnga tintan va pe peng, Ngakchia cu amah tein aa kinfim khawh nak hnga thazang va pe law duhsah tein zumhnak a ngeihmi a karh chin ko lai.

(2) A duhmi a ngeih khawh lo ah cun a aipuang” A nuar” Mi cungah fahnak tiang an pe kho” Ngakchia an tlawm nak chungkhar ah hi bantuk thil can hi a tam khun.

Ngakchia tlawmnak chungkhar ah cun ngakchia cu an bihzun a domh tein an domh hei ti ko u sih” Cu tik ah duhsah tein ngakchia nih a ruahmi cu chungkhar i an thinlung a laicer bik ka si ti hi a si i a theih tuk, A duhmi thil a um ah cun a ran khawh chung in hmuh le tinco a duh colh, Zeikong paoh ah amah nawl lawng tein si dih seh timi lungput a ngei cang.

Tlawmpal te a lungtlin lo nak a um sual ah cun aa hro cang” A ttap” A aipuang” A donghnak ah cun kutthlak tiang a hmang cang” Nu le pa nih hin a zatawk tein fale hi an duhnak kan zulh hna awk a si, Ngakchia cu hngah nun an thiam nak hnga an ngakchiat tein kan cawnpiak ding an si, Cun midang duhnak le dirhmun sining a hngalthiam mi an si nak hnga zong kan cawnpiak hna awk an si.

(3) Zei thil tuah paoh ah duhnak a ngei lomi” A hramthok le a donghnak a um lomi” A duhnak a tammi ngakchia pawl” Zei thil a tuah paoh ah ttha tein a hram domh ter khawh i zuam, Cun a dihdongh tiang tuah ter fawn, Cu hnu lawng ah a dang tuahnak nawl va pe.

A biana ah hmanthlak a suai lio ah cun a suai mi a dih hnu lawngah a dang lentecelh nak nawl va pe, cun cu hnu lawngah video zoh ter” Hmakhat te ah an zate in tuah ter dih hlah, A tuahmi thil ah a lung um seh ti duh ruang ah a si.

Credit .. Sya Aung Ko Latt

Click to comment

Leave a Reply

Your email address will not be published. Required fields are marked *

More in Education

Facebook

Rel Bikmi

To Top