Connect with us

Nan Pasal Le Caah Zeibantuk Nupi Dah Na Si Ve

nupi

Education

Nan Pasal Le Caah Zeibantuk Nupi Dah Na Si Ve

(1) Muisam pumrua aa dawh ngaimi nupi na si ahcun na pasal i a hawikom lak ah zohcho mi na si lai, Mifim cathiam pakhat na si ahcun zei bantuk minung hmai hmanh ah chuah pi ngam tlak man a ngeimi na si.

(2) Lungthin ttha a ngeimi nupi na si ahcun, na man cu na pasal cingla rualchan sin ah a lang khun lai, A thluak ttha ngai mi nupi pakhat na si ahcun na pasal harnak a ton caan ah na man a sung khun lai.

(3) Ruahnak hal awk aa tlakmi le ruahnak a cheu khomi nupi pakhat na si ahcun, na pasal caah a ttha bikmi laksawng phunkhat bantuk na si tinak a si.

(4) Ei din thaw tein chuan na thiam ah cun, Cucu na pasal a vah lo nak ding ah si pakhat a si ve, Mi kongceih na hman lo i mi congawih na hman lo ah cun nupi ttha na si tinak a si ko.

(5) Vawlei harnak nih thlichia le tilet bantuk in nan chungkhar a den lio caan ah Pathian bia in thazang pek a thiammi nupi na si ah cun, na pasal caah a lam kip in a phihkhar piak tu le bochantlak nupi pakhat na si tinak a si.

Nu pakhat nih a thazang der caan ah a pasal cu hringtu a pa bantuk in a ruat i, ruahceih awk a um caan ah a tta bantuk in a ruat, ngaihthiam awk a um caan ah a tta hniang bantuk in a ruat, An huammi phun an tuah tti caan ah a hawi bantuk in a ruat.

Ei din a timhlamh piak caan ah a fapa bantuk in a ruat, zohkhenh zitmuai a herh lio caan a tlangval bantuk in a ruat i, A pasal cung ah hi bantuk ruahnak a ngeimi nu cu nupi ttha taktak an si. Nu pakhat nih a pasal cu Vanram tiang a hruai khawh bantuk in Hellram tla tiang zong in a tuah kho, A pasal a daw taktak mi nupi nih cun a pasal nih a chim hlan in a herhmi a theih piak cia dih.

Click to comment

Leave a Reply

Your email address will not be published. Required fields are marked *

More in Education

Facebook

Rel Bikmi

To Top