Connect with us

Najib Cu A Tu Ni Ah Tlaih A Si Rih Lai lo, Abiapitak Mi Tet-te Minung Pahnih Auh An Hau Rih

Najib

World

Najib Cu A Tu Ni Ah Tlaih A Si Rih Lai lo, Abiapitak Mi Tet-te Minung Pahnih Auh An Hau Rih

Tuni ah  Malaysia prime Minister hlun Najib cu MACC nih biahalnak an ngeih suimilam 4 leng bak bia an hal, tuzing 10 am in an thawk i chun hnu 2: 15 pm ah biahalnak an lim. MACC cu  (The Malaysian Anti-Corruption Commission) ti in asaunak in theih asi i Malaysia ah eihmurnak poah poah a dohtu le hlathlainak atuahtu phu an si.

MACC lutlai Datuk Seri Mohd Shukri Abdull nih a chimnak ah tuni ahcun Najib  tlaih asi rih lai lo, tlaihkhihnak kan tuah hlan ah abiapi tak mi tet-te minung pahnih sin in biahalnak kan tuah rih hna lai tiah achim.

Thate in kherhlainak kan tuah dih hnu ah le Najib bialeh mi kan zoh lai kan lung a tlin ahcun kan luatter lai, biahal awk le hlatlai awk a herh rih ko kan ti ahcun kan auh than te ko lai, MACC nih Najib cu  Prime Minister hlun asi bantuk in kan upat cun amah zong nih zeibantuk party cung hmanh ah lehrulhnak a tuah lai lo tiah a chim chap.

Najib nih Thawnglatu pawl sin ah hitihin a chim ve, atuni biahalnak cu thate in le tluangte in kan lim, a luancia 2015 lio zong ah MACC sin ah statement hi ka rak pek ko cang, asinain atuni ka chim than mi cu a tling deuh tiah achim.

MSN. Strait times

Click to comment

Leave a Reply

Your email address will not be published.

More in World

Facebook

Rel Bikmi

To Top