Connect with us

Na Tlamtlin Lo Caan Harnak Na Ton Caan Ah Hi Ca Hi Rel Peng

har caan

Education

Na Tlamtlin Lo Caan Harnak Na Ton Caan Ah Hi Ca Hi Rel Peng

1# Meh a thaw lo rawl ei ka duh lo tiin na vuivai caan ah khin lamcung i inn ngei loin a vaakmi hna nih hnawmpung chung i hlonhmi le mi ei cia a kawl i a ding ei nain a paw khim lo mi ngakchia pawl khi na mitthlam ah cuan ter chun ve hna.

2# Ka keden a chia tuk kaa denh huam ti lo tiin na chim rel tam lio caan ah khin nilinh ruahsur hrial loin ke lawng bak in a vak mi ngakchia pawl khi na mitthlam ah cuan ter chun hna hmanh.

3# Kan nih vial nih kut ke tlamtling tein kan ngei i kan i chawh vah lio caan ah mihmai chuak langh hnga thihnak in a ttih deuhmi ngakchia pawl khi na mitthlam ah hei cuan ter chun ve hna hmanh.

4# Nu le pa nih kan ka chung ah rawl a kan barh lio caan ah khin lakphak dawr i lakphak hraikhat ka pe tiin hro le cer an in hnu ah rawl ei ding a kawl mi na nau le tthikhuk ngakchia pawl an um ti philh hlah.

5# Sianginn khan chung i ca na cawn lio ah khin sianginn timi cu kan mah he aa pehtlai lo tuk tiin aa ruatmi ngakchia an um ti kha philh fawn hna hlah.

6# Cu lengah sianginn khan chung ah meithal puah thawng theih ruang i ther le phang in thutden tang ah “Pathian ka khamh ko sawh” tiin thla an cam thawng khi hei theih piak ve hna hmanh.

7# Online chungah hmanthlak tar in kaa dawh maw tiah mi na hal hna lio caan ah khin Internet facebook timi hi zeidah a si ti le a hmuh zong a hmu bal ve lo mi ngakchia an tamtuk ti na thei cang maw.

8# Daihnak he a khah nak hmunhma i khua kan sak lio ah meithal thawng kar i ttih le phan ruang i kum he aa rup lo ningin thinlung fahnak a ingtuar mi ngakchia pawl khi hei ruat chun hna hmanh.

9# Thlalang naa bih lio caan i ka mui aa dawh lo tuk tiin na vuivai lio caah khin an mah le an muifang te hmanh hmuhnak nawl a ngei ve lomi mitcaw ngakchia pawl an um ti kha philh hlah.

Nang le kei kan vanttha tuk rih, Minute Second te ah mi cheu cu an thi, A tu tiang ah kan nung rih a sannak na zoh i na baat caan ah a tang lei kha zoh hmanh kan mah nak in a harsa deuh le a poi deuhmi minung tamtuk an um ti kha philh hlah,Bawm hna law dawtnak langh ter.Pumpak nun ah zawnruahnak nun kan ngeih cio ah cun vawlei pi hi a dai ko lai.

Click to comment

Leave a Reply

Your email address will not be published.

More in Education

Facebook

Rel Bikmi

To Top