Connect with us

Na Pasal Thinlung Le Duhdawtnak Zeitindah Na Lak Khawh Dih lai

duhdawtnak

Education

Na Pasal Thinlung Le Duhdawtnak Zeitindah Na Lak Khawh Dih lai

Minung tam pi cu zei thil hmenh hi a caan a sau deuh ahcun a kan simh tawn. Cucu minung kan si nak ah a um hrim hrim mi a si. Kan duh tuk i a ma naa tein kan cawk mi thil hmenh khi a rauh deuh cun a kan simh tawn a si lo mei! Thin lung le ruah nak a khat lo mi minung cungah a caan a sau deuh kan hna kan i ngamh khawh deuh ti lo cu mi nung phung a si ko. Pasal le nih dawt le thlumh alh peng a duh mi nutung hna nih a tang lei tuah dingmi thil (7)hi kan hngalh a hau.

1.Pum thianh hlimhnak

Pasal le cu inn chung khar khat kan si cang i hmun khat ah kan um nak a sau cang. Thianh hlimh zong a hau lo, kan i filh hnomh zong ah a kan duh peng ko lai tiah kan ruah sual tawn. Kan haw rim a tthat lo zongah poi lo tiah kan ruah tawn. A ngai ngai ti ah cun an duhdawt nak cu a zor in a tlau lo nain an thin lung laak nak a zor deuh mi cu al awk um lo a si.

Nan rak i duh lio ah khan zei tluk in dah na rak i sersiam le naa tlorh nalh kha! Cucu a thin lung na lak khawh nak hnga caah a si lo mei! Nan i umh hnu le fa nan ngeih hnu zongah pehzulh ten na tuah awk a si. Nangmah retheih le nangmah kawl chom a hau mi zong a si lo, na va nih a kawlcia mi in tuah khi a si ko. Cucu na va ca lawngah a si lo, nangmah zong na lung hmuih deuh ve kha.

2.Zoh dawhdeuh tein i hruk aih

A ngai ngai ti ah cun a ho poh nih za long ten i hruk aih cu duh cio a si ko. Zaang zong a dam. A si nain zei ti kaa hruk aih ah hin dah ka va lung ka hmuih ter ti hi bia pi a si. Cu ca ah zarh tha, lengchuah le puai caan lawngah si loin inn chung zongah na va nih zoh cim lo in dingin na hrukaih ahcun nangmah zong na nuam ve ko lai.

3.Na hmur le na mit

Hmur thuh phun khi tthing lo tein i chiah peng. Na mit tlang zong kha aa dawh tawk tein i thuh peng ve. Na hmur te a hninhno i na mit tlang te a hngalh ririai ahcun nava thin lung le mit cu nangmah cung lawng te ah a um ko lai.

4.Na pum dawh nak kha kil veng

Dawr ah kal i va i ttamh le remh ding ka ti duh nak cu a si lo. Inn te ah fawi tein tuah nak lam a um ko. Na kut tin le na ke tin tete kha ttha tein na sersiam lai. Tin cak tuk le tin sen si a kawk bang te hna khi a zoh chia tuk. A rong (color) a sen mi hi duhdawtnak hmelchunh nak a si caah tin sen si zong khi a sen mi te na thuh ah cun a ttha. Thianghlim tein um peng khawh i zuam.

5.Hnek chih ti phun khi hrial i zuam

Chim nak in tuah a har deuh cu mi vialte theih a si. Cu caah na chim mi kha a tuah colh zongah zei hmenh chim loin zei tin dah nem ten ka chimh khawh lai ti kha ruat hma sa. Pa pawl hi an duh nak (an zia ) a tam tuk lo nain a tu le a tu chimh timi an huat tuk.

Pa pawl hi keng linh cu an in khawh ko nain hnakhaw linh hi an celh lo.Na va pa kha  hram hram in uk le thlen i tim hlah. Nem te le dawt nak he chim nak tu in na va thin lung a thlen khawh deuh ti kha philh hlah.

6.Nang mah le nang mah i zum

Mah le mah i zumh hi a dawh bik mi ttamh nak phun khat a si. A mah le a mah a zum mi nu cu an va le nih an bochan hna.Na va zong kha na zumh ve lai. A cungah lung hrinh nak ding a um sual hmenh ah cu na zumh nak nih an uk ah cun a cung ah lung hrin nak na ngei lai lo.

Na va chambau nak kha mi dang sin ah chim hmang hlah. Na thin hun lio i na chim sual mi hmanh kha na va kha mi nih mi ttha lo hmuh in an hmuh cang lai. Thil a tuah mi kha soisel piak loin a fak tu in fak law lawm deuh. Cu ti na tuah ahcun na va nih a ngeihmi dawtnak vialte cu nangmah ta an si dih ko lai.

7.Nan pahnih caan ttha hman tti nak timh tuah

Nu le va i hlat tuk i um te hna hi chungkhar a nuam kho lo. Nu hi pa nak in khua ruah a tam deuh caah vale zohkhenh dai thlanh a si theu tawn. Cu ti cun pa pawl nih nu dang sin i an lung a zuan tikah an mah lawng sual phawt awk an ttha lo. Cu cah ah va le zoh khenh le, bul tawl hi dai thlanh bak lo ding a si.

A cung lei thil (7) hna hi na tuah bak ahcun na va nih an  dawt lai ning hi a mak ko lai. Hi tluk in na dawt bu ahcun zei nu dang dah a zoh len ti hnga.

(WWW. Phothutaw.com)

Click to comment

Leave a Reply

Your email address will not be published.

More in Education

Facebook

Rel Bikmi

To Top