Connect with us

Na Darling Kha Chanchung Ca I Na Thimmi A Si Ah Cun Hi Bia Hna Hi Na Hal Awk An Si

dl

Chin

Na Darling Kha Chanchung Ca I Na Thimmi A Si Ah Cun Hi Bia Hna Hi Na Hal Awk An Si

1#Nan ruahnak ai dang mi tete kha ruahceih nak ngei uh.

Miphun khat lo mi le khuakhat a silo mi hna pakhat le khat i duh ah cun ruahnak le hmuhning cu aa dan hrimhrim ding a si, A biapi mi cu na darling ruahnak kha zulh le theihthiam piak, cun nangmah nih na hmuh ning kha lungthiang tein chim law pakhat le khat kar ah theihthiam nak la ve ve uh.

2# Suingun hlawnthil zeizat dah a ngeih

Na darling nih suingun hlawnthil zeizat dah a ngeih timi kong kha hal ta, Cu ti na hal tik ah tangka duhtuk mi zong ah an ruah kho men, Asinain a ngeihmi thilri kong na theih hnu lawng ah zeitin dah hmailei ah khua kan sak lai timi na tuaktan khawh chung lai.

3# Na ziaza ah zei bantuk dah a duh lomi a si

Kum caan saupi um tti ding ah cun pakhat le khat duh daan i theih piak a hau, Ka darling nih zei bantuk ka ziaza hi dah a duh lomi an si tiin nangmah te zong in ngiathlai pah, A si lo ah lungthiang tein hal ko, Cu ti na hal tik ah bia fiang in a chim duh lo ah cun a zungzal caah an duhmi na si lo ti nak a si ko.

4# Tangka hman a tthawng tuk maw

A tu na darling kha zungzal caah na ruah cang ruangah hmailei ah cun chungkhar ah ttuanvo a la ding a si cang, Tangka hman aa sum lomi a si le si lo kha ttha tein hlat ta law tangka hman a tthawn tuk ah cun nan i duh lio in ttha tein chim cia chung.

5# Biaknak ah aa pe mi a si maw

Na darling cu biaknak dang biami a si ruangah biaknak kong na ceih ruah pi ding a si tiah ka chim duhnak a si lo, Biakinn na kal tik ah nangmah zul in a kal kho ding a si maw si lo ti kha a tu in na theih cia a haumi a si.

Click to comment

Leave a Reply

Your email address will not be published.

More in Chin

Facebook

Rel Bikmi

To Top