Connect with us

Myanmar Idol Season 4 Ah A zuammi Laipa Benjamin Sum He Biaruahnak !

Pathian

Chin

Myanmar Idol Season 4 Ah A zuammi Laipa Benjamin Sum He Biaruahnak !

Myanmar Season 4 hlasak zuamnak ah atelmi Benjamin Sum cu The Chin Online nih biaruahnak kan ngeih, biahaltu cu keimah June Amang ka si, adihtiang rak rel ve

1. A hmasabik ah Na Konglam theihternak rak kan tuahta law kan duh ko?

lehnak: Ka min cu Benjamin Sum ka si. November 27,2000 ah ka chuak i Kalaymyo ah kan um.Computer University Kalay ah 2nd year ka kai lio asi.

2. Myanmar Idol Season 4 ah hlasak zuamnak ahhin zeitindah na rak i tel ningcang asi.

lehnak: Hlasak zuamnak hi ka rak duh tuk ( စိတ္ဝင္စား) ve tuk i. Tukum ah Pathian lam hruainak in ka tel kho mi asi.

3. Myanmar Idol S4 na zuam zaan ahkhan hlasak aa zuammi vialte lak ah a thiamcem mi asi lai tiah Myanmar Idol season 4 Facebook page nih an rak tar, mipi nih kan i lawmpi tuk ve, i zuamnak ahhin zeitluk in timhtuahnak na rak ngeih ?

Lehnak: Ka ruah ning lo tiang in mipi ih zangfah-duhdawtnak ka co hi Pathian riantuan nak asi ko tiah ka ruat. Timtuahnak ahcun…hlasak hmaisa ah Gospel song pakhat khat sak ding in tiah timhtuahnak ka ngei i Hallelujiah hla in opening ka sak .

4: Golden Ticket cu na hmu cang va si kaw, zeitik ah dah next level nan i zuam than lai, zeitindah mipi nih Vote kan i pek ning asi te lai ?

lehnak: Next level kan i zuam ding caan hi kan thei ve hrih lo.Vote pek daan zong ka fiang rih lo…ka kai thluahmah ah cun kan chim than lengmang hna lai. tutiang ahcun Zeihmanh bia fiang mi um hrih lo caah a si.

5. Myanmar Idol Interview na chimnak ahkha hringtu na pa nih mual an liamtak cang i na nu zong cancer stage 3 damlonak a ngeibal tiah na chim tik ah mipi kan lunghno ngaingai, nan nufa te in pakhat le pakhat zeitindah thazaang nan i pek tawn , chim awk atha lai maw?

Lehnak: Aww si…kei hi kum 4 ka si ah ka pa in a kan liam tak i Single Mother hringtu ka nu he lawng thanglian mi ka si. Ka nu hi Cancer stage 3 a rak si i ..Pathian zangfahnak in a dam than cang. Ka ngakchia lio te in ka nu nih Pathian bia in a ka hruai i tuni tiang zei ka tuahnak poh ah a hmaisabik ah Pathian ibochan ding in aka chim . Tuni tiang kan nufa in thazaang kan laknak cu Pathian asi. Ka tuahmi kip ah ka nu i a thlacamnak in ka hna in ngam hringhran ko.

6. Mino sianginn kai cuahmah lio mi na si tik ah Chin mino kan chanbaunak bik tiah na ruah mi pakhat te in hun kan chim law kan duh ko.

Lehnak:Chin Mino pawl i kan chanbau bik mi ah ka ruat mi cu kan tuahmi ah 100% in kan i pumpe tuk lo tiah ka ruat. Kan farahnak ruang khalah cun a si thei ko . Sinain, mah le tuahmi cio ah 100% bak biatak te in ipumpek i thinlung le thazaang, thiamnak zate chuah in kan izuam awk asi tiah ka beisei.

7. Myanmar Idol season 4 hlasak zuamnak ahhin zeitluk in dah Confidence ( izumhnak) na ngeih? Teinak ka hmu lai tiah na ruah maw ?

Lehnak: Comfidence (zumnak)cu ka nei ko , zuamnak ah a temi pakhat i kan chunmang cu teinak hmuh hi asi, kei zong mah dream cu ka ngei ve. Cun Pathian nih aka chiatnak hmun ah umthiam zong hi timhtuahnak ka ngei. Hla tial tah na thiam maw , na tial cang mi tah um maw?

lehnak: Hla hi ka ngan ve theu.Ka phuah mi leh ka sak mi pawl tla Youtube ah ka rak ret ve .

8. Lai mi hlasak thiam ah ho dah na uar cem, Vawleicung hlasak thiam ah tah ho dah na uar.

Lehnak: Laimi hla sak pawl hi an zatein(gospel+love) song sak mi dihlak ka respect hna i ka duh dih hna.
International ah cu 5SOS (5 Seconds Of Summer) Australia pop/rock Band hi ka favorite asi.

9. Chin miphun le ram thachonak ah zeidah a biapi bik tiah na ruah?

lehnak: Chin Miphun le Ram thanchonak ding ah cun duhdawtnak hi a thupibik tiin ka ruat. Duhdawtnak chungah cun miphun thleidanwnak, isiknak le relsiat-awknak pawl zeihman an um lo. mah bantuk duhdawtnak diktak kan miphun lak ih a um lawngah kan lung a rual thei ding ih, kan tuahmi kip ah pakhat le pakhat thazaang pe aw le dirkam ding in kar kan hlan ah cun miphun dang pawl in in do rero hmanah kan tthangso thotho ding a si tiah ka ruat.

10. Harnak le lungretheinak na ton caah zeitindah na panh chih tawn ?

lehnak: Harnak vialte teinak petu cu Pathian asi caah Pathian sin ah bawmnak ka hal ko. Guitar tum in hla ka sak caan zongah ka lungretheinak tampi a tlau ve.

11. Mipi sin ah biacah na duh mi ?

In duhdawttu Nu le Pa, U le Nau, Sung le khat, Rual le pi, Ramsung Ramleng um mi nan zate parah simcawk lo lungawinak ka nei. Tu ih Myanmar Idol ah siseh hmailam ih Music Carrier ka neih ding mi pawl khal ah thazaang in pek cio ding ka beisei.

God Bless You All.

kan biahalnak lungsau te in na kan leh caah kan i lawm tuk, Myanmar Idol Season 4 hlasak na zuamnak ah Chin Mipi nih kan i dirpi zungzal ko

Ka lawmtuk ve

Click to comment

Leave a Reply

Your email address will not be published. Required fields are marked *

More in Chin

Facebook

Rel Bikmi

Advertisement
To Top