Connect with us

Mizoram Governor arian aiphuak, Assam Governor nih Mizoram atlaih chih lai

World

Mizoram Governor arian aiphuak, Assam Governor nih Mizoram atlaih chih lai

Mizoram Governor asimi Kummanam Rajasekharan cu March ni 4, 2019 ah khan Mizoram Governor asi nak in iphuak aduhnak India President sinah nawlnak ca atial i India President nih arak cohlan piak bangin Mizoram Governor sinak in arian ai phuak.

Kummanam Rajasekharan nih State Pakhat chung bawibik sinak, Governor rian achuahtak nak aruang hi cunglei cozahpi ah Lok Sabha ithim nak ah akhua le aram asi mi Kerala state hrangah BJP Party ticket in icuh ve ai timh ruangah asi tiah theih asi.

India President nih Kummanam nawlnak cu acohlan bangin Mizoram Governor thar ding ruat asi hlan chung paoh cu Mizoram state kiang asi mi Assam state Governor nih Mizoram arak tlaih chung lai.

Kummanam nih hin tuni March 9 ah Mizoram achuahtak i tuni lila ah Assam Governor cu Mizoram Uk chung dingin biakamnak ngeih ter asi.

Kummanam hi Mizoram Governor dingi ruat asi ka, Mizoram aluh hlan ah Mizo mipi nih an rak doh tatak mi asi, amah hi Hindu biaknak atanh tuk ruangah biaknak dang hnualsuat ahman ruangah Khrihfa ram, Mizoram uk tu dingah kan duhlo tiah Mizo mipi nih an rak doh mi asi nain amah Kummanam nih nan biak nak kan donkhan hna lailo tiah bia ai kam ruangah lunglawm te in rak don arak si.

Continue Reading
You may also like...
Click to comment

Leave a Reply

Your email address will not be published.

More in World

Facebook

Rel Bikmi

To Top