Connect with us

Minung Hna Kan Caah Ttihnungbik Raal Phun 3

raal pathum

Education

Minung Hna Kan Caah Ttihnungbik Raal Phun 3

Minung kan pum hi zeite hmanh a rak si lo i kan raal hi a rak tam ngaingai . Minung kan raal a tampi chungah hin pathum tein langh ter ka rak duh.

1. Kan hawikom

Hawikom ttha cu sui le ngun an si nain hawikom chia cu raaltu le dotu le lohhmal tertu a si .A caan ah kan hawikom ttha bik kan timi hna zong khi kan raal an rak si kho i cu bantuk raal cu ttih a nung taktakmi an si .Meithal le bomb nakin ttih a nung deuhmi an si .

Kan caah a ttha lai tiphun in bia an chim nain vun tuah taktak tik hnu lawngah leirawinak thil ah a cangmi thil tampi kan hawikom sinin kan hmuh khawh .Cu caah kan komhmi kan hawi hi zeibantuk hawikom dah a si tihi a rak biapi tuk hringhranmi a si. Ka kawi ka raal ti cang ti a fawi te.

2.  Fale zei a rel lomi nupi chia

Fale cu nu le nih cun dawt tuk cio a si i fale a daw lo hi kan ram ah a um pah tawn. Micheukhat nu le cu fale caah cun thih tiang a ngamhmi an um nalak ah nu cheukhat hna cu anmah dawhnak le anmah zalonnak lawngte a kawl i fale hnu a chit taakmi hna kan rak um diam.Cu bantuk nu hna cu ttihnung taktak nu an si .A ruang cu an fa nun a hrawktu a si. Phundang in kan chim ahcun fale sualnak leiah kar a hlan pi tu a si kan ti khawh .

3.  Kan eidinmi mehhang

Tuchan ah kan eidinmi hna mehhang hi a thianghlimmi le sii toih lo timi hi a har tuk cang.Cu kan eidinmi mehhang hna nih cun kan chungril a hrawh i kan ngandam lonak phunphun a chuahter. Cu kan eidinmi hna cu kan caah raal taktak a simi hna zong an um .

Cu caah kan eidinmi ti rawl hna hi ttih a rak nung taktakmi an si ve.A ttha bikmi cu mah dum teah i cinthlak khawhmi te eidin khawh hi lung cu a thiang bikmi a si ko. Kan raal hna hi mithmuh in hrial awk a tthami raal an um bang in kan ruah tuk setsai lomi raal hna hi an rak um ve ko ti hi philh hna hlah u sih.

Hmanthlak: Rosy Ngun Tha Bor

Click to comment

Leave a Reply

Your email address will not be published.

More in Education

Facebook

Rel Bikmi

To Top