Connect with us

Mihur thalo hna nih nun nak sunlawi nak an theithiam lo

World

Mihur thalo hna nih nun nak sunlawi nak an theithiam lo

KUALA LUMPUR : Malaysia ah hin kum chiar bawhte 100 hrawng hlonh mi hmuh ding a um peng, 60% cu athi cia in hlonh mi hna an si.

NGO nih an chim ningah cun Bawhte an hlong nak bik cu tiva le Muslim biakin pawng, hnawmthur hlonh nak hna ah an si tiah an chim i Federation of Reproductive Health Associations, Malaysia i advisor asi mi Doctor John Teo nih achim ningah kum chiar record kan tuah mi zat lengah bawhte 20 in 30 karlak hlonh mi record ah khumh lo mi an um peng tiah achim.

Malaysia ah hin Muslim siangin ah cun Sex Education lei icawnpiak nak a um tawn.

Kum 17 asimi Ms Rofina zong ahawipa nih zu arak dinh i arak sual, fa apawi ai thei bak lo i Toilet ah pawng akal lio ah bawhte avun chuak cu lio ah cun fa apawi hmanh ai thei lo, amah Ms Rofina nih achim ning ah alu avun mang i ka lau, ka dawh i hnawm hlonh nak ah ka hlonh tiah achim, Rofina cu palik nih an tlaih i kum 12 chung thawng tang dingin bia khiah piak asi.

Doctor John Teo nih achim ningah Sex hman ning ding hi biatak te in icawnpiak kan hau, voikhat sex raktuahpi laklawh ah cun voihnih pehzulh afawi voi hnih nih voi thum ahrin lai, mah ruangah Nuva asi rih lo mi nih lakfa pawilo dingi sex tuah ning i cawn piak taktak kan hau tiah achim.

Malaysia ah hin tlaih hrem atam, phaisa duh ah nu nih tlangval rum deuh mi an ttuai i adongh nak ah lakfa achuak, an hawile midang le chungkhar nih theih an phan ah bawhte chuak ka an thah i an hlonh, acheu cu an hlonh mi chanh manh i sizung ah thlawpbul mi zong an um.

“Rohina hi Sex tuah lei ah zei hmanh experience angei lo mi asi i sex an tuah nak ruang zong cu zu rit hmaw in asi” tiah kum 12 thawngtang dingi bia khiah piak mi cu Rohina sihni ni Kum 5 tthumh piak ding in biacaihzung anawl.

Continue Reading
Advertisement
You may also like...
Click to comment

Leave a Reply

Your email address will not be published. Required fields are marked *

More in World

Facebook

Rel Bikmi

Advertisement
To Top