Connect with us

Mi Va Nek Hlah!!! Thiamnak Timi Cu

thiamnak

Education

Mi Va Nek Hlah!!! Thiamnak Timi Cu

Voikhat cu a minthang ngai mi university sianginn in saya pakhat nih a khuate ngai mi khua pakhat ah a va tlawng hna ti si. Khua a phak tik ahcun lawng pakhat a hlan i tiva cu a heeldih. Lawng cu a vun kal tik ah saya pa nih cun lawngzaptu pakhat cu a thawh i,“hey kaanan (mathematic)hi na thiam maw tiah bia cu a hun hal”.“Kei cu ka thiam lo” “ Physic tah na thiam maw?” cu zong cu ka thiam lo”. Cu a si ahcun computer tah na hmangthiam maw?“ ka lungtha lo saya cu zong cu ka thiam lo”

Saya pa nih cun a lu cu a thinlen ko i “ kaanan (mathematic) na thiam lo cun minung kan nun chan i cheu 6 ah cheu 2 cu na hlohthlau” tiah a hun ti. “physic na thiam lo cun minung kan siining i cheu 6 ah cheu 1 na hlonh si”.“Computer na thiam lo ahcun minung si man i cheu 6 ah cheu 1 cu na sung hoi lai. Na nun chung i cheu 6 ah cheu 4 cu na sung ko cang. Tiah Sayapa nih cun a ti.

Cu lio caan te ahcun ni khua caan cu a hun i thleng i van ah khuadawm cu an hung kai i tlawmpal ah ruahsur lai phun khi a si. Cu ahcun lawng mawngtu pa nih cun saya ti lio na thiam maw tiah a hun ti ve. Saya pa cu aa ruat ta i ka thiam lo tiah a hun leh. Voikhat hmanh ka cawng bal lo tiah a leh chap.

Lawngzap tu pa nih cun a lu cu a hun ithin len ve ko i cu si ahcun na nunnak cheu 6 ah cheu 6 ning in na sung cang lai tiah a ti. Mi pakhat khi nangmah na siining le nangmah na fimthiam nak in cuai na thlai ding si lo.

Hi tuanbia chung i saya pa hi mifim pakhat a si ko.A nunnak ah mathematic, physic, computer ti hna lawng ah hin fimnak a si rua tiah aa ruah. Hi fimthiam nak lo cun ka nunchan hi pakpa awng si tiah a ruah. Hihi mifim hna i an ruahnak a si.

Lawngzap tu pa caah cun cu fimthiam nak cu a herh ve lo. A nih caah cun a herh mi cu “himte in nun”le“ thazang ngeihtu kha “a si. Nain emergency ton ahcun saya pa nih a chim mi hna cu santlaihnak a ngei lo. Lawng kha i let ko sehlaw ti lio tthiam milawng kha a nung ko lai. cucaah mi va nek hna hlah.

“keimah timi ruahnak in mi thleidang hlah mu. A nih nih cun thilser thiamnak a ngei lo nain a lungput a thiang i thiltha lo khua a khang lo. Kei ka siining kha a dang nih angei lo, a nih a sining zong kei nih ka ngei ve lo timi philh hlah uh usih. Hi tuanbia te nih fim aa kan chimh mi cu thazang nan la cio lai tiah ka zumh.

Click to comment

Leave a Reply

Your email address will not be published.

More in Education

Facebook

Rel Bikmi

To Top