Connect with us

Mi Inn Ah Kan Tlung Lai Lo Tiah Chim Khawh Si Lo” Khual Na Si Tikah Hi Ti Hin Na Um Ding A Si

mikhual

Education

Mi Inn Ah Kan Tlung Lai Lo Tiah Chim Khawh Si Lo” Khual Na Si Tikah Hi Ti Hin Na Um Ding A Si

1* Na phak lai ni le na tlun te lai ni caan kha fiang tein chim cia hna

Nai tthumhnak ding inn kha na phak lai ni le na tlunte lai ding ni caan kha a hlankhanh in ttha tein chim cia hna, Cun na hawi le an zultu ding an um ah cun a zat chim cia hna, Cu lawng hlah Inn zuat sattil naa ken mi a zat tiangin chim cia hna.

2* Laksawng caw

Thil manfak a si lo zongah caan saupi chung chiah awk tthami laksawng phunkhat paoh na tlun inn caah cawk philh hlah.

3* Inn nih an ngeihmi sikan theih khawh i zuam

Inn chungkhar hi pakhat le khat aa lo cio lo, Chungkhar nih an hmanmi tlaihtleng hna cu na caam chungah a thil tein ngiathlai law zulh khawh i zuam.

4* Nangmah ruangah rian a tam lo nak hnga um dan va thiam

Na tlun nak inn ngeitu nih rian tam an ngeih nak hnga lo tthut um zia na thiam a hau, Zeihmanh tuahpiak ka herh lo ti le a hlei in zohkhenh cawmdoi na herh lo nak kong kha ttha tein chim hna.

5* Inn rian bawm hna

Rawl chuan bawmh thilbil bawmh eidin cawk tibantuk kha inn ngeitu he hmunkhat ah tuah tti khawh i zuam, Inn ngeitu nih cun an duh lai lo an in el ko lai nain, Cu bantuk thil na tuah ruangah inn ngeitu he nan i naihniam lai i nan um a nuam veve lai.

6* Pumpak na hman herhmi thil i ken

Na hman herh hngami sapiat luttawlnak hasi tibantuk pawl kha inn in i ken cia, Inn ngeitu nih kha bantuk tiang in tuah piak hna hlah seh.

7* An ngeihmi thilri kha a hman zia thiam

Tikholhnak khan coka tibantuk na hman tik ah thianghlim tein chia ta tthan, Innkhan chung na um lo ah cun mei hmit ta tawn, Kuang a si lo ah bizu tibantuk na on tik ah khar tthan philh hlah, inn ngeitu nih na nehnang an in zulh lengmang mi kha a ttha lo.

8* Na umnak khan kha thianghlim tein chia

Inn ngeitu paoh nih khual kan ngei lai ti an theih le cang ka in innkhan kha thianghlim tein an chiah cia tawn, Cu ruangah nang zong nih na caam chung ah thil kha rem tein chia hna law zing na thawh ah ihnak zong kin fim philh fawn hlah.

9* A thian khawh chung thiang in chia

Na tlun lai ni ah na khan cu ttha tein thianh ta, Ihnak kha fim, Hnawm chia ta hlah, An Towel na hman ah cun thiang tein su ta, An thilri na hlanmi kha pek tak philh fawn hlah.

10* Lawmhnak bia chim

Online Service a si lo ah pangpar an zuarnak tibantuk ah thil pakhat khat cah piak hna, A si lo ah kaa lawm tiah aa ttialmi cattial card pakhat khat tal cu chiah tak philh hlah

Hmanthlak: Rosy Ngun Tha Bor

Click to comment

Leave a Reply

Your email address will not be published.

More in Education

Facebook

Rel Bikmi

To Top