Connect with us

Mau ah khawvel entawn tur kan hnutchhiah dawn

World

Mau ah khawvel entawn tur kan hnutchhiah dawn

Regional Group North Eastern Region on Mission for Integrated Development of Horti­culture (MIDH) chu Inrinni khan Aijal Club-ah an ṭhukhawm a; an hun hmanpuitu Zoramthanga, chief minister chuan, mau-ah khawvel entawn tur an hnutchhiah tur thu a sawi a; mau hmanin India erama per capita income sang ber kan nih theih thu a sawi bawk.

Meeting hi Horticulture secre­tary Rodney L Ralte-in a kaihruai a; Zoramthanga chuan, mau a buaipuina a rei tawh tih sawiin, “Bamboo Chief Minister tiin fiamthu thawhna atante min hmang ṭhin. Mau hmang hian Mizoram mai ni lo, hmarchhak mai ni lo, India ram mai ni lo, khawvel entawn tur kan hnutchhiah dawn a ni,” a ti.

Zoramthanga chuan, chief minister a nih hmasak ṭumin Delhi-a scientist inkhawmpuiah mau lian chî siam thei an awm leh awm loh a zawt nia sawiin, “Tumah tissue culture hmanga siam thei an awm lo. Chuvangin, mau lama ka hlawhchhamna kha political failure ni loin, scientific failure a ni,” a ti a; tunah chuan tissue culture hmanga mau lian siam thei an awm tawh niin a sawi.

Mizorama mau/raw phun tur hmangin ram hectare 2-a zauah Rs. 5,00,000 – 9,00,000 a thar chhuah theih nia sawiin CM Zorama chuan, “Hmun zau tak nei tan phei chuan kum khatah cheng nuai 100 a thar chhuah theih dawn a ni. Mau hmangin kan economy kan chawi sang dawn. India rama per capita income sang ber mau hmangin kan ni thei,” a ti.

Chief Minister chuan, thlai hlâwk zawka tiral tur chuan kawng zawh tur pawimawh pali a awm thu sawiin, “Chungte chu – thar chhuah tihpun, a phurhna ngaihtuah, thar chhuah sâwngbâwl leh a hralh chhuahna tur market ngaihtuahte a ni,” a ti a; páwn lama thawn chhuah hmain state chhunga chêng mipui­te’n eng thlai nge an mamawh ber tih hriat a, chumi hawi zawnga her rem a pawimawh thu a sawi.

Meeting-ah hian chawhnuah technical session neih niin, Mission for Integrated Development of Horticulture assistant commissioner SK Kaul-in a kaihruai a, March 31, 2020 hnu lama India hmarchhak state paruka Revamp MIDH kalpui dan tur te, MIDH programme an hman meka harsatna an tawh dan leh hlawhtlinna an hmuhte sawiho a ni.

Meeting-ah hian Arunachal Pradesh, Assam,Manipur, Me­ghalaya, Mizoram, Nagaland, Sikkim leh Tripura aṭangin sorkar official eng emaw zat an tel.

MIDH hi Centrally sponsored scheme (CSS) a ni a; horticulture-in a tuam thei leh thlai, pâ, pangpar, mau, coconut leh a dangte a ramin hma a sawn theihna tura hmalakna a ni. MIDH hnuaiah hian sorkar laipui chuan hmarchhak leh Himalayan state-ahte hna thawh tur 90% a tumsak a ni.
Vanglaini

Continue Reading
You may also like...
Click to comment

Leave a Reply

Your email address will not be published.

More in World

Facebook

Rel Bikmi

To Top