Connect with us

Mana Thang Chungkhar UNHCR Nih An Reject Hna Hnu An Fanu Thlopbulnak Kong Ah Lungrawk In An Um Ko ( Video)

UN

Chin

Mana Thang Chungkhar UNHCR Nih An Reject Hna Hnu An Fanu Thlopbulnak Kong Ah Lungrawk In An Um Ko ( Video)

A tanglei Video kan rak tar mi hi Malaysia Chin ralzam Mana thang chungkhar kong asi, an fate hi a chuahka te a damlo mi asi thinlung zong a thamlo i asi i UNHCR card an chuh hna hnu ah zeitluk in dah har timi kong a chimnak asi. Nau an ngeih tiang cu UN Card an ngei rih ko nain ahnu ah an chuh than ve hna.

Ka Fanu Esther a chuahka ahhin a paw ah takvun a um lo, a chungril an lang tiah achim, nau zundenh le cawkhnuk tibantuk ahhin ka lahkhah cu a dih lengmang ko, Operation tuah ding ti ah le aman faktuk hoi, tuah lo awk nih le atha fawn lo tiah achim.

Mana nupi nih hitihin a chim ve, sibawi nih naute hi a lungtha lo tiah an kan chimh , apaw ah takvun umlo nih le azualter chin fawn tiah an kan chim, ka zumh kho hrim lo hawidang zong fa an ngei cio keimah fa theng cu “ziah “ tiah sibawite thiam lo a si ko lai tiah lunghrinnak ka ngei tiah a chim .

Ka fa chuah hnu zarhhnih ah nurse saymah nu cu ka fa khoika ah nan chiah tiah ka hal ” A hngal lo bantuk in aumter tiah achimchap. Kan fanu operation an tuah mi a tlamtling asinain suimilam pakhat voihnih hi a tlawmbi a zun a zung lengmang, a zun fate a tap peng fawn tiah achim a chuahka te in operation kan tuah ahhin adihmi phaisa dihlak hi Rm 30000 kan din cang tiah Mana thang nih a chim chap.

Damlo ngai le harsa ngai in an um lio ah UNHRC nih Card an chuh ve hna. Sizung le sikhan a tuletu te an kal peng, nau he si tik ah cun re thei taktak. Thlopbulnak zong  ah UN card lo cun ah tangka tam ngaingai kan dih tiah a chim.  Myanmar tlun cu si kho lo kan duh bak lo tiah mithil he an chim. Video in tlingte in rak zoh ve

Click to comment

Leave a Reply

Your email address will not be published.

More in Chin

Facebook

Rel Bikmi

To Top